Hechos 5:12 - NandevaBiblia

¹² Heta mbai heshaha verã hareka mbai kavi heshaha verã iko Apostolre rupii kuaretare mbytepe hareka opaite jaty reta Salomon hõchepe pente ñeepe.

Hechos 5:12 Iomraidhean Croise

Marcos 16:20

Hãrã haire oho mbeu Ñee kaviva oparupi, Ñandeja Jesús mboryshu reta, hareka my'ãñete ĩñee mbaikavi heshaha verã mĩ'ĩrũvare rupii. Amén.

Juan 10:23

Jesús haipe vata i tũpao juri, õche Salomon he'iashua õĩpi.

Juan 4:48

Haivi Jesús heishu: Pee pyheshãã heshaha verã hareka mbaikavi heshaha verãrã, pyrojããpo.

Hechos 1:14

Haipe haire ñymbaty ñõĩjyre jurure verãre mbovy taupere hãndi, Maria, Jesús ishy hareka tyvyre.

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Hechos 16:18

Hãrã heta ara kova japo'i. Pablo henduseveãma heivarã, jerepyrã heishu mbaiposhy taupe iko'ipya: She hai nde Jesucristo heepe, ẽhẽshi ko kuñataĩ! Hãrã haipevaĩ mbai porãmbava õhẽshi ko kuñataĩ.

Hechos 19:11

Tũpa hetamba japo mbai heshaha verã Pablo rupii,

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Hechos 28:9

Kova mbai japova rehe, heta ñymbairasy vekuare Maltape'iare jyveru Pablo ẽvãpe, hareka opa myngueraha jyve.

Hechos 3:11

Ko vatambava kuera vekua hejãã reta Pedro hareka Juan hãrã opaite kuareta tentape'õre mbyrymaĩterivare ryheve ñani jyraha õche vasu'õ kyty Salomon he'iashua.

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Hechos 9:33

Haipe vãhẽshu pente kuimbai Eneas he'iashua, japoma 8 ãño hupape'iva, vatajymbava.

Hechos 9:40

Pedro heishu kuaretare opa õhẽ verãre katoape. Haivi ĩñesu hareka ñymboi. Haivi mãi mano vekuarerã hei: Tabita, pũ'ã! Hai sarekorã hareka heshamã Pedrorã, vapy.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.