21 Haivi mburuvishare ijeta pohyjyshu retarã ma'ẽĩmahe reta kuaretare rehe, vãhẽãshu mãrãrapo nũpaka reta shara haipe ikova rehe opaite õmombaishu Tũpa.
Opavare mbyrymaĩ hesha mãrãra ña'enguvare ijetajy, japava vatajy kavi hareka heshajymba heshajy kũvaãĩpi, õñepyrõ õmombaishu reta Tũpa Israel Ija.
Hãrã pota pysyka jyre Jesús. Kuaretare kyje jyreshi rãmeĩ, shara rekoshu reta Tũpa ĩñee mbeu'ia rãĩmi.
Tẽvã hei reta: Avypo aretepe jajapokui, mãhẽ kuaretare poshy hareka ñanderã pũã ñandyrehekui.
Jesús mohẽshi mbaiposhyrã, ña'ẽngu'ia õñepỹrõ ijetajy, hãrã kuaretare haĩrã hesha retarã heijyre: “Mapeã kyrãva mbai heshaha Israelpe”.
Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.
Hãma Jesús kova heirã ñymymarãka hyvaishore; tẽvã kuaretare vya reta mbai vasu Jesús japovare.
Hãrã pai ruvishare hareka Moisés mbypara vekua pyrỹmboi'iheare haipevãĩ pota pysyka jyre Jesús, shara kuaa mondo he'iha ñynõihe kova ñee ñymyhã'ãngaperã; tẽvã japoã reta shara kyje jyreshi kuaretare.
Hãrã kuaretare jaijyshurã, ko kuaretare ẽvã rãĩmi opapo pũã ñandyrehekui hãrã itape ñandukapo retakui; shara opavare roja Juan haiva Tũpa ĩñee mbeu'iarã.
hãrã pai ruvishare hareka Moisés mbypara vekua pyrỹmboi'iheare, heka marãrapo ñemiãpẽĩ juka reta Jesús, shara henta'õre kyjeshi reta.
Opaite mbyry mãi reta, hãrã õmombaivasu reta Tũpa, haivi kyje ryheve hei jyre: Ã'ẽ mbai haikaviteveva jahesha.
Tẽvã, ã'ẽ japysypo reta poima mbeu verãre, ñamyngyjepo reta ỹnteñoma ijeta verãre Jesús heepe.
Hoka kuimbai kuera vekua mbai heshaha verã rupii, 40 ãñomare.
Mbavẽã ynga retava kyrẽy jihia tẽvã ijeta kavihe reta.
Hãrã tũpaope ñyngareko'ia juhuvisha hãndi syndarore jyraha veru, tẽvã mba'ẽã japohe kyje jyve kuaretaivi mõã itape japiharã.
Hãrã opa iñiñono hãndi reta pente ñeepe hẽnoka Apostolre hãrã opa nupaka reta vakapiperã hei jyvyĩshu reta ỹnteñoma ñimiñee verãre Jesús heepe. Hãrã poijyshi reta.