Hechos 26:2 - NandevaBiblia

² Avy'aite shara katu aijeta nynonderã, mburuvisha vasu Agripa aijochashi verã opaite Judiore hei shyrehe vekua,

Hechos 26:2 Iomraidhean Croise

Mateo 10:19

Tẽvã pynymẽ'ẽhama mburuvisha ipoperã, avy pejepy'apyhe perepi verãre maĩrã pere verã rãĩmi, shara Tũpa meẽpope ñee pere verã rãĩmi.

Lucas 12:11

Pyrahaha Judiore ñymbatyseape, karai vasure hareka mburuvishare hỹnonderã, avy pejepy'apy marãrapo hareka mbaivara perepo pymaĩ hỹnonde verã;

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Hechos 25:26

Hãrã mba'ety are añeteva ambyparahe verã kuatiape karai mburuvisha, hãma aru pynynonde hareka ĩãrẽve nynonderãni aru mburuvisha vasu Agripa, nde rypyrãndushu verã. Hãmerãpo aikuakui ambyparahe verã kuatiape amondoshu verã huvisha vasu.

Hechos 26:1

Hãma Agripa heishu Pablo: Katuma ndetei rijeta. Hãma Pablo ipo hupirã oñepyrõ haitei ijeta ijehe hei.

Hechos 26:19

Hãme, huvisha vasu Agripa, shiñeerẽndushu shyresape'õ vateivi ouva.

Hechos 26:26

Mburuvisha Agripa rãnga kuaakavi jyve kova mbai, hãme akyjeã aijeta hỹnonde. Aikua kavi jyve hai opa kuaava kova mbai shara ha'ẽã ñemiape japoha vekua.

Hechos 26:3

shara tynondeite, nde rikuaa kavi Judiore jypykuava rãĩmi, hareka hokava mbai ijaka hevare, hãma airure nde ñyhãrõ kavipe shyrẽndu verã.

Hechos 26:7

Opaite 12 tribu Israelpe'õre hãrõ reta hesha verã hokava ñee mẽ'ẽava ryheva, hãme rãnga õmombai vasushu reta Tũpa ara hareka pynturã. Mburuvisha vasu Agripa, Judiore porã hei shyrehe reta.