Hechos 24:5 - NandevaBiblia

⁵ Vãhẽã rãngashu ko kuimbai mbairasykue rãĩmi, hareka oparupi opa mbijajao Judiore hareka haiteiva miñakashu nazareno ryhevare.

Hechos 24:5 Iomraidhean Croise

Mateo 10:25

Mbo'eharea vy'apo pyrỹmboi'õ rãĩmi'irã hareka jokuehareirea pyrokue'õ rãĩmi ikorã. Hãrã oo ija he'iahe Beelzeburã, mãrãrapo kyrãã he'ia jyveshu henta ĩrũre?

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Lucas 23:19

Barrabás mbyperesoha maĩnunga porãmba japo'i tenta Romarerã, hareka purukarã.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Lucas 23:25

hãrã poishi haire pyhỹrõvare, mbai porãmba japo'i tenta Romareva hareka purukarã mbyperesoa vekua, shara haire kyrã jurure; haivi meẽshu reta Jesús japohe verãre haire potava rãĩmi.

Lucas 23:5

Tẽvã haire hei jyvyĩ: Pyrỹmboiva rãĩmi kuaretare opa pũã ijehe, õñepyrõ Galileape hãrã ã'ẽ kopema vãhẽ ou jyve.

Hechos 15:5

Tẽvã a'ãmo fariseo Jesús jyrojaheare, puã reta hareka hei reta: Ẽẽñoĩ rãnga ẽẽ pyreheva chĩchĩhaka verã hareka hekope kavi japoha verã Moisés mbypara vekua.

Hechos 21:28

hareka sapuke reta: Kuimbaire Israelvare, yrỹmborymi! Kova kuimba hai oparupi kuaretare mboiheva ỹrỹrẽta hyvaishorã, Moisés mbypara vekuare hareka tũpaore, harekajy ã'ẽ minjemajy griegore, hareka myngya kova tyrẽnda kyambava.

Hechos 22:22

Haipeveĩ hendushu reta; tẽvã õñepyrõ sapuke reta: Hokava kuareta katuã ĩmeĩ'i! Tymano! Potahaveãma hykuaĩ heshahajy ko yvy'ĩãrẽ!

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Hechos 24:4

Tẽvã potãã pukuite nymangatũhãrã, airure nde ndypya kavi rupii yrỹrẽndu verã sapy'aite.

Hechos 25:7

Pablo ichemarã Judiore opa jerehe reta Jerusalenvi ouvare hareka heta heihe reta mbai pohyva, tẽvã mba'ety añeteva mbeuva.

Hechos 26:5

Hai reta rãnga kuaakavi reta hãrã pota hei retarã katu hei. Shukunumirãvãĩ she hai fariseova hareka ñyngarekope kavi japoha jypykuaahava rãĩmi ore ohoahea.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 5:17

Hãrã pai juhuvisha vasu hareka Saduseore ẽẽ hãndiva haipe opa heshatã'ãkue tynyhe reta.

Hechos 6:13

Haipe veru reta kuareta mba'etyva mbeu verã: Ko kuimbai poiã ijeta porããhe tũpao kyambava hareka Moisés mbypara vekua.

1 Corintios 11:19

Ikoñoĩ rãngapo kyrãvã pynymbytepe, kuaaha verã mbara ãñete haikavi'ẽ Tũpa hỹnonde.

1 Corintios 4:13

Ijeta porãmba yryrehevare, pyakavi ryheve ijetahashu reta. Ã'ẽpeve ko yvy'ĩãrẽ yryrekoha yty hareka maĩnunga hemby vekua rãĩmi.

1 Pedro 2:19

Tũpa maĩkavihe reta jyrojahevare, mbaimba rehevape hasa'asy hareka jyhasa'asy hasakuava hokava haikavi Tũpa hỹnonde.