Hechos 20:1 - NandevaBiblia

¹ Kuareta opa ikoraiva opamarã, Pablo hẽnoka Jesús mboireare mbarakuaashu verãre, hareka opama ñimiñeeshurã ñykuãkuãvãjy hãndi reta, haivi oho Macedoniape.

Hechos 20:1 Iomraidhean Croise

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 16:12

Haivi ohoajy Filipospe, hai tenta tynonde'õ Macedoniape. Haipe mbovy ara pytaha.

Hechos 16:9

Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 20:10

Hãrã Pablo vejy, kuãvã kunumirã heishu Jesure jyrojavare: Avy pykyje, manoã rãnga.

Hechos 20:2

Opama vata hoka yvy retaipirã, hareka hetama mykyrẽyshu jyrojava retarã, ohojy Greciape.

Hechos 20:3

Haipe pyta mbahapy jasy. Hareka varkope ohoserima'ia Siriape, kuaa Judiore ĩñee ñono ñynoĩhearã, hãrã hei yvyipĩĩ oujy verã Macedoniaipi.

Hechos 20:37

Hãrã opa jaheo reta, kuãkuãvashu reta Pablo hareka pypytejyre.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

Romano 16:16

Piñymarãndu opaiteva pente jypyte kyambape, jyrojavare jypykuava rãĩmi. Opaite ñandyryvyre jyrojava mondope ñymarãndu.

1 Corintios 16:20

Opaite ñandyryvy mondokape marãndu. Piñymarãndu jypytepe, pypya porãmba pimbijetava ryheveãpo pijapo.

1 Corintios 16:5

Ahapokui peĩvape Corintope, Macedoniaipi ahasamarã, shara haipirãnipo ahakui.

2 Corintios 13:12

Piñymarãndu pente ñyhẽtu kyambape.

2 Corintios 7:5

Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.

1 Tesalonicenses 5:26

Pymarãndu opaite ñandyryvyre, ñyhẽtu kyambapy.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,