Hechos 2:3 - NandevaBiblia

³ Haipe hesha reta tata rãĩmiva pepenteĩ vejyhe ñakare.

Hechos 2:3 Iomraidhean Croise

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Mateo 3:15

Jesús heishu: Ã'ẽãra kyrãĩpo ryheja, haikavive rãnga jajapo hekope kavi Tũpa potava. Hãrã Juan japo Jesús heishuva rãĩmi.

Lucas 24:32

Hãrã heijyre ijupe: Hendỹarambaje ñandypyape hai ijeta ou ñande pehupirã vekua hareka kuaaka ñande mbyparaha vekua?

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 2:11

ore Judio hareka haimba Judiore jyrojaheva Tũpa. Ĩme'ẽ jyve kuareta Creta hareka Arabiaivi ouva. Opaitea ñahendu ñaniñeepetei õmombaishu Tũpa opaite mbai vasu japo vekua rehe.

Hechos 2:2

Mondii haipe iñyhendu pente hy'apuva ouva vate araivi, yvytu vasukue rãĩmi opa tynyhẽ oo haire ẽvãpe.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

Santiago 3:6

Ñaneku rãnga tata rãĩmi jyve, pente yvy'ĩãrẽ'õ porãmba ñandyretere ẽvã, opa myngya tyrete, hendykue tata vasuivitei ou hareka opa hapy ñandyrykove.

Apocalipsis 11:3

Hareka she amondopokui mokue heshava, jyhasa'asype mondeava hũũvapepo ñimimonde, mambeu verã ñee iko verã mbahapy ãño hareka ova jasyheape”.

Apocalipsis 14:6

Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.