Hechos 18:3 - NandevaBiblia

³ hãrã haire japojyre oo mondehaivi japoava, pyta haipe mba'apo hãndi verãre.

Hechos 18:3 Iomraidhean Croise

1 Corintios 4:12

yrỹkangy mba'apohate'i irijuperã. Porãmba ijeta oreva, ohovasahaĩshu, yrỹmoñahate'ia, mba'ẽã he'iha.

1 Corintios 9:14

Kyrã he'ikajyveshu Ñandeja opaite Ñee kaviva mbeu'iare, hokava pijapovapei piko jyve.

1 Corintios 9:15

Tẽvã mapeã kyrã ajaposhe hokava pynymbytepe, ha'ẽãvaĩjy kova mbai kyrã japoa shyrehe verã. Haikavive rãngapo she ãmanorã, ndei he'ia shyrehe kova Ñee kaviva ambeu'airã mbyhepyhasheva!

1 Corintios 9:18

Hãrã she apityva hai meẽsheva vy'a hareka ambeu'ai Ñee kaviva mbyhepyambashevape, ajemaĩ ẽẽtesheva.

2 Corintios 11:7

Mbai porãmbara ajapo sheii añemomishĩĩ airã hareka Ñee kaviva Tũpa ña'ãpova ambeu jyvepe akorambape, pee vateve pẽĩ verã? Mba'ety rãnga.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 12:13

Aipota pyhejareii shyhevi ĩme apyrỹmbyposhykarã. Tẽvã pente mbaipe pee pinimishĩĩve yngava tũpao retaivi, she ãĩã jyve apyrỹmbavai verã!

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Tesalonicenses 4:11

Peñehãã piko kavi hareka pijapo peii pijapo verã, pymba'apova rupii, jurureapeva rãĩmi.