Hechos 16:1 - NandevaBiblia

¹ Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

Hechos 16:1 Iomraidhean Croise

Hechos 14:1

Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.

Hechos 14:21

Hãrã opama mbe'uha Ñee kaviva hoka tenta Derbeperã, heta haipe japoshi mbo'ehare verã. Kova oparã, jyraha reta Listrape.

Hechos 14:6

Tẽvã Pablo hãndi Bernabé kuaa hokavarã ñemĩ jyraha reta Listra hareka Derbe, tentare Licaoniape'õ juri.

Hechos 17:14

Hãrã Jesús jyrojaheare ỹrẽ'ãĩte mondo reta Pablo yyvasu hymbey kyty, tẽvã Silas hareka Timoteo pyta reta Bereape.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Hechos 19:22

Hãrã mondo mokue mborysereare Macedoniape, Timoteo hareka Erasto, hai pytave teri ẽẽ Asiaperã.

Romano 16:21

Pymyvãhẽ jyve Timoteo ñymarãndu, shymba'apo ĩrũ hareka jyve Lucio, Jasón hareka Sosípatro, shyrẽtarãre.

1 Corintios 16:10

Timoteo vãhẽma ohoperã piñyhãã tyvyakui pymbytepe, shara she rãĩmi hai mba'apo jyve Ñandejape.

1 Corintios 4:17

Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

1 Corintios 7:14

Shara teme Jesús jyrojambahea hyreko rupii kyaveãma, hareka tyreko Jesús jyrojambaheva teme rupii kyaveãma. Kyrããrã pindijapore kyava ryheva retambapo; tẽvã ã'ẽ kyaveãma reta.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

2 Corintios 1:19

Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 2:19

Ãhãrõ'ãĩ Ñandeja amondo verã Timoteo, avya verã aikuama pyhevi marãra piko.

Colosenses 1:1

She Pablo, Jesucristo Apostol, Tũpa potava rupii ñandyryvy Timoteo hãndi,

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

1 Tesalonicenses 3:6

Hãma ã'ẽ Timoteo oujyma Tesalonicaivi hareka mbeu'ore pee pijaihurã hareka poiã pirojarã. Hãma heijy ore jyhaihukue ryheve pynymandua yryreheva hareka pipota yryreshava, ore pota pyndyreshahava rãĩmi.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.

Filemon 1:1

She Pablo mbyperesoava Jesucristo rehe hãndi shyryvy Timoteo, marãnduha haihuhava Filemón, mba'apohavape ĩrĩmirũ'ia,

Hebreos 13:23

Aipota pikuaa ñandyryvy Timoteo poihamashiva. Narẽãmi vãhẽ ourã, ahapo hãndikui apyryresha verã.