Hechos 13:16 - NandevaBiblia

¹⁶ Hãrã Pablo ñymboyrã myhã'ãngashu reta ipope mbijasaka verã hãrã hei: Pyhendu pee kuimbai Israelvare hareka pee tenta vasu mbyryva Tũpaivi pykyjeva.

Hechos 13:16 Iomraidhean Croise

Mateo 11:15

Opaite japysa'iare, tyhendukavi.

Lucas 1:22

Haivi Zacaria õhẽjymarã, ijetããshu reta. Hãrã kuaaravĩĩ reta mãĩnũnga heshava tũpao pe. Hãrã Zacaria ipoĩ myhã'ãnga'i ijetashu verãre shara ñã'ẽngu pyta.

Lucas 1:50

Tũpa pareko ñõĩpo opa ara ñymoñavare hai õmombaishuvape.

Lucas 23:40

Tẽvã ĩrũ kuimbai poshy ryheve heishu: Rykyjeãrashi Tũpa, jyvacheĩ porãmbape ñaĩva?

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 10:35

hareka Tũpa opa pavẽĩ haihu, opaite tenta, kyjeshiva retape hareka mbai haikaviva yngavare japova.

Hechos 12:17

Tẽvã Pedro ipopei myha'ãnga heishu reta jasaka verãre, haivi mbeushu reta marãra Ñandeja nohẽjy mbyperesoavaivi, hãrã heishu reta: Pikuaaka jyveshu Jacobo hareka opaite ñandyryvy ñandyryhevare. Hãrã õhẽ hareka oho ynga tentaipi.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Hechos 19:33

Hãma kuaretare mbyteivi nohẽ reta pente kuimbai Alejandro he'iashuva, Judiore maña mondo reta kuaretare hỹnonde. Hãrã Alejandro ipope myha'ãnga jasaka verãre, ijeta verã Judiore rehe henta'õre hỹnonde.

Hechos 2:14

Haipe Pedro ñymbou hãndi 11 Apostol retarã hỹnatu ijetarã hei: “Pee Israelvare hareka opaite pikova Jerusalenpe, pikuaa kova hareka pijasaka kavihe kova hai pee verã:

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Hechos 21:40

Mburuvisha ñonoshu ijeta verã hãrã Pablo ñymboy hokava jupihaseaperã, ipope myha'ãngashu jasaka verãre. Hãma opama jasaka retarã Pablo ijetashu reta hebreo ĩñeeperã hei:

Hechos 22:22

Haipeveĩ hendushu reta; tẽvã õñepyrõ sapuke reta: Hokava kuareta katuã ĩmeĩ'i! Tymano! Potahaveãma hykuaĩ heshahajy ko yvy'ĩãrẽ!

Hechos 3:12

Pedro hesha kovarã heishu reta: Marã'ĩrãra pee Israelitare, mbyry pymaĩhe ko ikovare? Marã'ĩrãra pymãĩpi yryrehe, ore mynguerahava rãĩmi kova kuimbai maĩrã ore mbyvatahajya rãĩmi ỹrỹmbaikatu hareka yryrykove mbijicheava Tũpa pevarã rupii?

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.

Apocalipsis 2:29

Japysava, tyhendu kova Espiritu heiva tũpao retape.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.