Hechos 13:10 - NandevaBiblia

¹⁰ heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

Hechos 13:10 Iomraidhean Croise

Mateo 13:38

Hãrã kookue hai opaite ko yvy'ĩãrẽ õ pyare. Mbai rãỹ kavi hai Mburuvisha vasurã vate araivi ouva ryhevare rãĩmiva, ñana porãmbava hai Ãña ryhevare rãĩmiva.

Mateo 15:19

Ñandypya ñambijeta rupii õhẽ mbai porãmba, ijukava, javasa'ia, kyrãĩrãĩ'iare, manarõ, japuva, ijetareiva hapishare hareka jahehea.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Lucas 11:39

Tẽvã Ñandeja heishu: Pee fariseore ĩãrẽĩ pijohe yy ho'uhapya hareka yyare; tẽvã pyndypya tynyhẽ manarõse hareka piniñarõkue.

Lucas 11:52

Tengapope Moisés mbypara vekua pyrỹmboi'iheare! Piiñimbi'ijapihe mbai kuaakue pe'ahapyarerã; peemba picheva hareka pyma'ẽĩãhe iche yngavare.

Juan 1:23

Juan heishu reta: She rãnga hai sapuke'ia yvy ikoambaipi: “Pymyhẽvãshu tape symyĩ ohova Ñandeja pevarã”, Tũpa ĩñee mbeu'ia Isaias heiva rãĩmi.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

Galatas 1:7

Añete, mba'ety rãnga yngava Ñee kaviva, ĩmeĩ rãnga ẽẽ pota porãmba piniñonova, hareka pota yngai mbeujya Ñee kaviva Jesucristo ryheva.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

2 Pedro 2:15

Opa heja reta tape haikaviva, yngaty jyraha reta japo verã Balaam Beor tay japo vekua, haihuva kyrypoti hekopemba'õ japo'iape.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.