Hechos 13:1 - NandevaBiblia

¹ Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 13:1 Iomraidhean Croise

Mateo 27:32

Õhẽ jyjaha retarã, ñyvãiti hãndi reta pente kuimbai Cirenepe'ia Simón he'iashua; mbyrahaka reta Jesús jukurusu.

Lucas 3:1

15 ãño pukukue Tiberio Cesar huvisha vasurã ẽẽ Romape, Poncio Pilato huvisharã ẽẽjyve Judeape, hareka Herodes Galileape, tyvy Felipe Itureape hareka Traconitepe, Lisania jyve, hareka Abilene.

Hechos 11:30

Kyrã japo retarã, Bernabé hareka Saulo rupii rahaka reta Tũpape me'ẽãva, kuakuavare Judeape'õre pevarã.

Hechos 12:25

Bernabé hareka Saulo opa japo verãrã, oujy reta Jerusalenvi hareka veru reta Juan, mbyheeava jyve Marcos.

Hechos 13:9

Haivi Saulo mbyheava jyve Pablo, tynyhe Espiritu Santo hãrã mãikavi'ẽherã,

Hechos 15:32

Hãrã Judas hareka Silas haireta jyve Tũpa ĩñee mbeu'ia retarã heta ñeepe mbyvyajy hareka mỹkyrẽyshu reta pente'ova Tũpare jyrojavare.

Hechos 15:35

Tẽvã Pablo hareka Bernabé pyta reta Antioquiape, pyrỹmboihe hareka mbeu Ñandeja ĩñee, heta ĩrũre hãndi.

Hechos 19:6

Haivi Pablo ipo ñono'ĩãre retarã, Espiritu Santo ou ĩãrẽ reta hareka ñee yngaivapy ijeta retarã mbeu reta Tũpa he'ikava ñee.

Hechos 21:9

Felipe ĩmere urũndy tajy nde'iave ĩmevare, hai reta jyve mbeuñoĩva Espiritu Santo heshakashuva.

Hechos 4:36

Kyrã haire mbytepe ẽjyve mbory'ẽshua paire tũpaope, José he'iashuva, Apostolre mbyheembajypy reta Bernabé, he'iseva “mbypya kaviva hapishare”, hokava hai Chiprepe'õ;

Hechos 9:1

Saulo potañoĩ opa juka Ñandeja mboireare. Hãrã oho pai juhuvisha'õpe,

Romano 16:21

Pymyvãhẽ jyve Timoteo ñymarãndu, shymba'apo ĩrũ hareka jyve Lucio, Jasón hareka Sosípatro, shyrẽtarãre.

1 Corintios 11:4

Pente kuimbai ñaka jasoi ryheve ñymboi'ẽrã maĩrã Tũpa pory'ẽrã, mymarãka ñakarã'õ.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:29

Kyrã jyve Tũpa ĩñee mbeu'iare, tijeta mokue, maĩrã mbahapy, hãma ĩrũre tijasaka kavihe hesha verã ñee haira ãñete Tũpaivi ouva.

1 Corintios 14:32

Tũpa ñymbaikatukuepy ñimiñee'ia, ijijokokuapo.

1 Corintios 9:6

Maĩrã she hareka Bernabé hãndira katuã ẽẽ yngavare ỹrỹmbory verã mba'apohamba irijupe verã?

Galatas 2:13

Hãrã ĩrũ Judiore Jesús jyrojaheare, õñepyrõ ojejapo jyre, Pedro japova rãĩmi, kyraĩ jyve Bernabé.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Filipenses 4:22

Opaite heko kyambare, tynondeite'ẽ Romape huvisharã'õ hoo vasupe'iare, pynymymarãnduka jyve.

1 Tesalonicenses 5:20

Avy pijahehe iko verã mbeu'ia.