Hechos 12:4 - NandevaBiblia

⁴ Hãrã Herodes pysykama Pedrorã, mĩje karcepe hãrã mĩngarekokahe urũndy jaty'õ syndarore urũndy syndaro pepenteĩ'ẽva, pya mbijetahe Pascua hasamãrã nohẽka verã tenta hỹnonde.

Hechos 12:4 Iomraidhean Croise

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Mateo 26:5

Tẽvã hei reta: Avypo aretepe jajapokui, mãhẽ kuaretare poshy hareka ñanderã pũã ñandyrehekui.

Marcos 14:1

Mokue araima hemby'ẽ Pascua verã hareka pãhã harina mby'ouka jyhiamba arete he'iashuajy. Hãma pai ruvisha hareka Moisés mbypara vekua pyrỹmboi'iheare heka marãrapo mbytavy retarã pysyka Jesús hareka juka verãre;

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Lucas 22:33

Simón heishu: Sheja, ãĩ rãnga jyve ha'ẽã shymbyperesoa verãĩ, ãmano rãngapo jyve nendiekui.

Juan 19:23

Hãrã syndarore hupima Jesús kurusurerã, mondere vekua hekyrã mbijao urũndy kavi pepenteĩ pevarã. Hareka heky reta Jesús jasoi vekua, tẽvã pente puku vekuarã hareka mbyvyvyamba vekuarã,

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Hechos 12:3

heshamahe Judiore haikavijyveshu hokavarã, pysykajy Pedro. Kova jehu aretepe, pãhã jylevaduramba ho'uava arape.

Hechos 12:5

Hãrã Pedro karcepe teri'ẽ ñyngarekoha'ẽheape, tũpaope ẽvãre jurure pevẽĩ ñynoĩhe Tũpape.

Hechos 4:28

iko verã opa mbai nde rere vekua rãĩmi.

Hechos 4:3

Hãrã pysyrã raha mbypereso reta, ĩrũ arajyapeve, shara pyntumapo'i.

Hechos 5:18

Hãrã pysy reta apostolre, mbyperesoka verã.

Hechos 8:3

Tẽvã Saulo haipe opa momohẽ Tũpare jyrojavare hareka henta retaipitei iche oho, nohẽ mbytyryry kuimbaire hareka taupere raha mbyperesoka verã.