Hechos 1:8 - NandevaBiblia

⁸ Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 1:8 Iomraidhean Croise

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Lucas 10:19

She ameẽ pee mbaikatu pypyrõhe verã mboi hareka vãkyrãpere, hareka pijepyhe verã pyndyresha tamba'iare ñymbaikatu, mbaimbaa japo pyndyrehevape.

Lucas 24:29

Tẽvã haire jochajyreshu: Pyta orẽndie kope, ka'aruitema rãnga hareka pyntumapo'i. Hãma iche pyta hãndi verãre.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Hechos 1:22

Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.

Hechos 1:5

Ãñete rãnga Juan yypeĩ pyrymyngarai tẽvã pee piñymyngaraipokui Espiritu Santope.

Hechos 13:31

Haivi heta aravape Jesús ijeshakajyshu mi'ĩrure vekuare Galileaivi Jerusalen kyty hãrã haire mbeujyveshu tentare hỹnonde.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 22:15

Hãrã nde rijetapohekui kuaretare hỹnonde hareka rỹmbeupokui mbai ryhesha vekuare hareka rỹhenduva.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 4:33

Apostolre, mbaikatukue ryheve, mbeu jyre Ñandeja Jesús kuerajy manovare mbyteivirã hareka Tũpa heta maĩkavihe reta.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

Hechos 6:8

Esteban, Tũpa mynyheshu mbaikatu hareka maĩkavihe, hai rupii japo opa mbai kavi heshaha verã hareka mbai heshaha verã opaite kuaretare mbytepe.

Hechos 8:1

Saulo ẽẽ jyve pente ñeepe Esteban jukaha verã. Hokava arape heta tũpao õñepyrõ mymorãhãã Jerusalenpe. Opaite, ñymomohẽ tenta Judeapi hareka Samaria, koñeĩ Apostolre ha'ẽã hai.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.