Hechos 1:16 - NandevaBiblia

¹⁶ Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

Hechos 1:16 Iomraidhean Croise

Mateo 26:14

Hãrã penteva 12 mboireare, Judas Iscariote he'iashuva, oho pai juhuvishare ẽvãpe,

Mateo 26:47

Jesús ijetateri ẽvã, vãhẽ ou Judas 12 mboireare penteva, heta ou hãndi kuaretare jykyse puku'iare hareka yvyra ryheve. Pai juhuvisha hareka kuakuavare israelpe'õre mondoshuare.

Mateo 26:54

Akuarã, mãrãrapo opa iko Tũpa ĩñeepe heiva, kyrã ñõĩte iko verã?

Mateo 26:56

Tẽvã opava kova iko'ẽ hekope, Tũpa ĩñee mbeu'iare hei vekua Tũpa ĩñeepe. Haivi mboireare opa hejashu Jesús hã'ẽĩ.

Marcos 12:36

David teiva rãnga hei Espiritu Santo rupii: Ñandeja heishu Sheja: “Vapy shakata kyty, añonopeve ndyreshatamba'iare ndepy'ipe”.

Marcos 14:43

Jesús ijeta teri'ẽ vẽkua, vãhẽ ou Judas Iscariote hai jyve pente 12 mboireare ryheva, kuareta hetava ou hãndi veru reta kyse hareka yvyra. Pai ruvisha, Moisés mbypara vekua pyrỹmboi'iheare, hareka Judiore juhuvisha mondovare.

Lucas 22:47

Jesús ijetateri'ẽ vekua, vãhẽ ou kuareta hetava. Haipe penteva 12 Jesús mboireare Judas he'iashua hỹnonde oushu reta; ñymboja Jesús ẽvãperã hovape pyteshu.

Juan 10:35

Jaikuaa kavi rãnga mbyparahava, katumba mbairã ñambijicheva; Tũpa rãnga mbyhee tũpare, opaite ĩñee pysy vekuare.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Juan 19:36

Kova mbai jehu iko verã Mbyparahavapy'õ heiva: “Pente kãvẽĩmba my'õpẽhãshi verã”.

Hechos 1:20

Shara kuatia Salmope mbyparahava hei: “Hoore tikoshi yvy ikoambaipi, hareka avy mbava tikopy”. Heijy: “Yngava tõĩjy hendakuepe”.

Hechos 13:15

Judiore ñymbatyseape'õ mburuvishare opama miñee Moisés mbypara vekuarã hareka Tũpa ĩñee mbeu'iare, he'ikashu reta: Shyryvyre ĩmepyre pota kope'õre pereshuvarã ã'ẽ katuma pere.

Hechos 13:38

Shyryvyre pikuapo Jesús rupii mbe'uha mbai porãmba hejaha reiva ryheva

Hechos 15:13

Opama chirĩrĩ retarã, Jacobo hei jyveshu reta: Shyryvyre shyrẽndupi:

Hechos 15:7

Hetama ijeta pohy ijupe retarã, Pedro ñymbourã heishu reta: Shyryvyre, pee pikuaa Tũpa jypyivivãĩmba pynymbyteivi shypyhyrõ ambeu verã Ñee kaviva, jyrojambare hendu verã hareka roja verã.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 2:37

Ñymbaty'õre hendu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo?

Hechos 22:1

Terure hareka tyryvyre, pyhendu ko hai shijeheva.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 23:6

Haivi Pablo heshama haipe'ẽ jyve Saduseo hareka fariseo retarã hỹnatu hei: Shyryvyre, she hai fariseo, pente fariseova tay, shyveruha kope shara arojashe mano vekuare kuerajy verã.

Hechos 28:17

Romape vãhẽha ohoharã mbahapy araheape, Pablo hẽnoka Judiore juhuvisha hareka ñymbatyma hãndi retarã heishu: Shyryvyre ajemaĩ ajapoã porãmbava ñanyrẽtare hareka ñanytynondevare jypykuava rãĩmi, tẽvã Jerusalenvare shiñono Romavare ipope.

Hechos 28:25

Katuãma pente ñeepe ñynoĩ retarã, õñepyrõ opajy jyraha. Hãrã Pablo heishu reta: Haikavi rãnga ijetashu Espiritu Santo ñanytynondevare Tũpa ĩñee mbeu'ia Isaia rupii, hei:

Hechos 7:2

Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

2 Pedro 1:21

Shara Tũpa ĩñee mbeu'iare mapeãmba ijuhuvireii ñimiñee reta. Koñeĩ kuareta pyhyrõavare Tũpa heepeimba ñimiñee reta Espiritu Santo mboivare rãĩmi.

2 Pedro 2:21

Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare.