Hechos 1:13 - NandevaBiblia

¹³ Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Hechos 1:13 Iomraidhean Croise

Mateo 9:9

Jesús oho haivirã hesha pente kuimbai Mateo he'iashua, kyrypoti mbatyhasea Roma pevãrã hyvache vapy'õ. Hãrã heishu: “Ei, shimi'ĩrũ”. Mateo pũã hareka oho hãndi.

Marcos 14:15

Hãrã hai heshakapope pente oo tivishava vate'õ hareka opa myhẽvãvã; haipe pymyhẽvã ñandekui jau verã.

Marcos 14:33

Hãrã raha Pedro, Santiago hareka Juan. Jesús õñepyrõ kyje hareka vy'ãã.

Marcos 2:14

Oho'irã hesha Leví, Alfeo tay, vapy'ẽ tenta Roma pevarã kyrypoti okorase'õpe, Jesús heishu: Ei shimi'ĩrũ. Leví pũãrã oho hãndi.

Marcos 5:37

Tẽvã hejãã yngare mi'ĩrũ verã, koñeĩ Pedro, Jacobo hareka tyvy Juan.

Marcos 9:2

Haivi 6 arama hasajyrã, Jesús koñeĩ raha Pedro, Santiago, hareka Juan, oho hãndi reta yvyturusu vate'õpe; hesapẽĩ Jesús hete opa yngai'ẽ.

Lucas 22:12

Hãrã oo ija pynymbyheshakapo pente oo vate'õ ñyvỹ tivishava opama'ẽvã. Haipe pymyhẽva ñande pynturã jau verã.

Juan 11:16

Haipe Tomas, mbyheavajy “Mokuepya” heishu mbo'eharehãndiare: Jahave ñamano hãndi verã ko pyrỹmboi'ia.

Juan 14:22

Haipe Judas heishu Jesús (haimba Iscariote): Yreja, marã'ĩrãra oreĩpo rijeshakajy'ore, rijeshakããraposhu kuaretare?

Juan 18:17

Haivi taupe õchepe ñyngareko'õvã pyrãndushu Pedro: Nde ha'ẽãra jyve ko kuimbai mboireare penteva? Hãrã Pedro heishu: Mba'ety, ha'eã rãnga she.

Juan 21:2

Opaĩ ñynõĩ penteapeĩ Simón Pedro, Tomas mbyheeavajy mokuepya, Natanael tenta Caná Galileape'õ, Santiago hareka Juan Zebedeo tayre, ĩrũ mõkue Jesús mboireare hãndi.

Hechos 12:17

Tẽvã Pedro ipopei myha'ãnga heishu reta jasaka verãre, haivi mbeushu reta marãra Ñandeja nohẽjy mbyperesoavaivi, hãrã heishu reta: Pikuaaka jyveshu Jacobo hareka opaite ñandyryvy ñandyryhevare. Hãrã õhẽ hareka oho ynga tentaipi.

Hechos 15:13

Opama chirĩrĩ retarã, Jacobo hei jyveshu reta: Shyryvyre shyrẽndupi:

Hechos 2:14

Haipe Pedro ñymbou hãndi 11 Apostol retarã hỹnatu ijetarã hei: “Pee Israelvare hareka opaite pikova Jerusalenpe, pikuaa kova hareka pijasaka kavihe kova hai pee verã:

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:8

Haipe ñymbatyha'õpe oo vate'õpe, heta'ẽ haipe lampara myhendyava;

Hechos 4:13

Mburuvishare heshama mãrãra Pedro hareka Juan ijeta pyavasu ryheve, hãrã kuaa mondo reta ha'ẽã ñy'ãrãnduvarã hareka mbaimba kuaavarã, mbyrymaĩ reta; kuakavi reta Jesús iko'i hãndia retarã.

Hechos 4:19

Tẽvã Pedro hareka Juan heishu reta: Pypya pimbijetano haikavirapo ore japoharã pee pereva maĩrã Tũpa heiva?

1 Corintios 15:7

Kỹỹma'ẽrã ijeshakajyshu Jacobo, haivi opaite apostol retape ijeshaka.

Galatas 1:19

tẽvã aheshaã ĩrũ apostolre, koñeĩ ahesha Santiago Ñandeja Jesucristo tyvy.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

2 Juan 1:1

She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.