Hechos 1:11 - NandevaBiblia

¹¹ heishu reta: Pee Galileavare mãrã'ĩrãra pymãĩpi vate arare? Kova Jesús rãnga hupihajyma vate arapy, pee pyhesha ohojyva rãĩmi katĩĩpo pente arape oujykui.

Hechos 1:11 Iomraidhean Croise

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Marcos 13:26

Hãrã ijyheshapo kuareta Tay oujy avãpỹntupyrã, mbaikatukue hareka hĩmbipekue ryheve.

Marcos 14:70

Tẽvã Pedro hykũãĩ ñomijy, haivi haipe'iare hei jyvyĩshu reta: Ãñete rãnga ãmo nde jyve hai ryhevare, shara Galileava jyve nde.

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Lucas 21:27

Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.

Lucas 24:5

kyjeite retarã opa ĩñesu reta, tẽvã haire heishu: Marã'ĩrãra pyhekapi manovare mbytepe hykovejya?

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Hechos 1:22

Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.

Hechos 1:9

Hokava opama heirã Jesús, mãĩ ñynoĩheapypeĩ hupiha vate arapy, haipe ãvãpyntu opa jasoirã hãrã heshaveã reta.

Hechos 13:31

Haivi heta aravape Jesús ijeshakajyshu mi'ĩrure vekuare Galileaivi Jerusalen kyty hãrã haire mbeujyveshu tentare hỹnonde.

Hechos 2:7

Haire, mbyrymaĩ retarã, hei: Ha'ẽãra kova ijeta'iare Galileavare?

Hechos 3:12

Pedro hesha kovarã heishu reta: Marã'ĩrãra pee Israelitare, mbyry pymaĩhe ko ikovare? Marã'ĩrãra pymãĩpi yryrehe, ore mynguerahava rãĩmi kova kuimbai maĩrã ore mbyvatahajya rãĩmi ỹrỹmbaikatu hareka yryrykove mbijicheava Tũpa pevarã rupii?

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

1 Tesalonicenses 4:16

Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.