Hebreos 8:6 - NandevaBiblia

⁶ Tẽvã ã'ẽ ñandy Pai Vasure me'ẽãshuhai japo verã haikaviveva. Kyrã, ñee me'ẽãva py'ahuva hai veruva tivishaveshi tuja vekuaivi, shara ou ñee me'ẽãva haikavitevevaivi.

Hebreos 8:6 Iomraidhean Croise

Lucas 22:20

Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.

Romano 9:4

Hai reta rãnga Israelita, Tũpa pyhỹrõshu reta ta'yrã, Tũpa ẽẽmba hãndi reta heko hĩmbipe vekua ryheve, hareka japo ñee me'ẽãva, meẽshu reta Moisés mbypara vekua, haikavi õmombaivasu verãre hareka ĩñee meẽ.

Efesios 2:12

Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

Hebreos 12:24

Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 7:22

Hãme rãnga Jesús my'añete ñande ñee me'ẽãva haikaviveva tynonde vekuaivi.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.