Hebreos 8:2 - NandevaBiblia

² hokava pai japo'ẽ verã añeteĩteva tavernakulo, Ñandeja japo vekua hareka ha'eã kuaretare japo vekua.

Hebreos 8:2 Iomraidhean Croise

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Romano 15:8

Hãrã hai pee Cristo ou iko jyve Judiore jokuerea rãĩmi heshaka verã Tũpa ñy'ãñete, opaite ñichĩchĩkavare, heshaka verã Tũpa añeteva ryheva, my'añete verã ñee me'ẽãva ñanytynondeva retape.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Hebreos 10:11

Opaite paire japoñoĩ jy'arete mbeu reta mymba jukahava ryheva, ajema mapemba heky verã mbai porãmba vekuare.

Hebreos 10:21

Hai rãnga ñandy pai vasu, ñyngareko'ẽhe Tũpa hoo.

Hebreos 11:10

Shara Abraham jyroja katu mbai arape hesha verã hokava tenta ĩmereva jypy tanta'õ, Tũpa hai myha'ãngava hareka mupuã verã.

Hebreos 9:1

Ñee me'ẽãva tynonde ẽvãpe ĩmembare jyve ñee ñonoãva marãrapo õmomba'eashu Tũpa, tẽvã pente ñymombai oo yvy'ĩãre'õpe.

Apocalipsis 21:3

Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.