Hebreos 4:12 - NandevaBiblia

¹² Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Hebreos 4:12 Iomraidhean Croise

Lucas 8:11

Kova rãnga he'ise ñee ñymyhã'ãnga ñimity'ia ryheva: Timity rãnga hai Tũpa ĩñee;

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Hechos 2:37

Ñymbaty'õre hendu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo?

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Hechos 5:33

Haire kova hendumarã poshyitevejy reta, hãrã pota jukajyre reta.

Hechos 7:38

Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

1 Corintios 1:24

Tẽvã Tũpa hẽnovare pevarã Judiore, maĩrã, Griegore, Cristo hai Tũpa ñymbaikatukue hareka ñymbaikuaakue.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Efesios 5:13

sapeva hẽndyrã, opa mbai heshaha hareka kuaaha, hãrã kuaaha marãra.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Efesios 6:17

Pyrỹmondo jepeva Tũpa ryheva tijocha pãka tãka jochahasepya rãĩmi hareka pypysy Tũpa ĩñee kyse pukuva rãĩmi Espiritu meẽpeva.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

Hebreos 13:7

Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.

Hebreos 6:5

hareka pya ohohe vekuare Tũpa ĩñee haikaviva hareka mbaikatukuere yvy'ĩãrẽ ou verã ryheva,

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

Apocalipsis 1:16

Ipo jakata kytyre 7 jasytata, hãrã juruivi õhẽ pente kyse hakua pukuva mokue haĩmbeva, hãrã hova hendyjy kuarasy sapetei'ẽrã rãĩmi.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 19:21

Hãrã opaite yngavare opa jukaha kyse pukuvape õhẽva kavajure'ia juruivi, hãrã vyrare opaite hỹvãtapy ho'okue.

Apocalipsis 2:16

Hãrã japojy haindeva, shara rijapoã hokavarã narẽ'ãĩtepo ahandekui, hareka ãĩrãrõpo hãndi retakui kyse pukuvapy shijuruivi õhẽva.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.