Hebreos 2:10 - NandevaBiblia

¹⁰ Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

Hebreos 2:10 Iomraidhean Croise

Lucas 13:32

Jesús heishu: Pekua, hãrã pereshu hoka avara: “Ã'ẽ ãmohẽ mbaiposhy hareka apyrỹmynguera ko arape, hãma kõĩjyape, hareka mbahapy arajyapepo ajapo verã opama ajapokui”.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Lucas 24:26

Katuãra Cristo hasa'asyrãni mbai hasyva iche verã hĩmbipeape Tuu ẽvãpe?

Lucas 24:46

heishu reta: Kyrã rãnga mbyparaha Cristo mano verã hareka puãjy verã manovare mbyteivi mbahapy arape;

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 19:30

Jesús hou vino irovarã, hei: “Opama iko”. Haivi ñakã mbiroa yvy kytyrã, mano.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

2 Corintios 5:18

Opaite kova mbai ou Tũpaivi, ñaniñonojy kavi hãndi opavare, hareka ñandokue opava retape ñañono kavijy hãndi verã.

2 Corintios 6:18

Pee pevarã shepo haikui Teru, hãrã pee haipokui shyrayre hareka shyrajyre. Kyrã hei Ñandeja opaite mbaikatu ĩmereva.

Galatas 3:26

shara pirojaivivehe Jesucristo, iko pyndyhevi Tũpa tay.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 6:20

haipemba iche aryka'e Jesús japo ñande verã pente tape, kyrã ikoshi pai ruvisha vasu opa ara pevarã, Melquisedec heko rãĩmiva.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Hebreos 7:28

Ñee mbyparahava rupii rãnga ñonohãmba pai vasu kuaretare ikangyva, tẽvã Tũpa ĩñee meẽva ñee mbyparahava haykue, ñonomba pai ruvisha vasurã Tay, hai mbyheko kavi opa ara pevarã.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

Apocalipsis 4:11

“Yreja hareka Yreru, ndeñõi ẽẽ nde nemomba'ea verã, he'ia ndyrehe haikaviteva hareka ñymbai katuiteva; shara nde opa rijapo opa maĩnungare, nde ripotava rupii iko hareka japoha reta”.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.