Hebreos 13:5 - NandevaBiblia

⁵ Avy pejepy'apy hetavepyre verã kyrypoti, pyvy'a ĩmepyreare; shara Tũpa hei: “Hai'aĩtei neĩ aryreja verã”.

Hebreos 13:5 Iomraidhean Croise

Mateo 6:19

Avy pymbaty maĩnunga hetava yvy'ĩãrẽ, kupii opa houvaipi, maĩnungakuere opa tujavape, hareka mãnãrõ'iare icheseaipi opa ñomi verã.

Mateo 6:25

Hãrã she hai pee: Avy pejepy'apyhe peu verãre, hareka pymonde verãre. Ha'eãra hai mbai vasuveva ñandykove timbiuvi hareka ñandyrete mondeavaivi?

Mateo 6:34

Avy pejepy'apy paree verãre, shara paree verã rekojy yngaa jepy'apy. Opaiteva arare, reko heta jepy'apy.

Marcos 7:22

manarõ, mbai pota raiviva, poshyrei'iva, japuva, ñynotimbaa, kateỹva, juruvaiva, jyroja ijeheva, opaisharei'iva,

Lucas 3:14

Ĩme'ẽ jyve syndarore pyrãndushurã heiva: Ore jyveno, mbaivara japoapo jyve? Hãrã Juan heishu reta: Avy mbava pyheky reiishi mãinunga, hareka avy pereshu pijapohe verã porãmbava, avy pymbojareihe yngare, avy japu piporyjyhe, hãrã pyvy'ãi pijapova hepy me'ẽãpeva ryheve.

Lucas 8:14

Timĩty oava ñana mbytepe hai henduva Tũpa Ĩñee. Tẽvã ohorã mbeve katu kangy, jepy'apy, mbai pota kuere, hareka mbai porãmba pota japo i, hãrã i'ãã.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

2 Corintios 4:9

Ajema pũ'ãhate yryreheva, tẽvã pytahãã orẽĩ; ỹrỹmomboatẽ yvypeva, pu'ãhajyvyĩjy.

Efesios 5:3

Pee rãnga hai tenta kyamba Tũpa ryheva, hãme rãnga avypo pijetahe kyrãrãĩ'ia ryheva, mbai kyavaremba, maĩrã maĩnungare heta ĩmepyre verã, shara kova ha'ẽã hai Tũpa ryheva kyambarepeva.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

2 Pedro 2:14

Haire hesha pente tauperã potaravi ñeno hãndi, mbai porãmbavaĩ pota japo reta, mykyrẽy veru verãre jyrojakuepe pyrãtambateriva; haire mbijehuñoĩvare heta maĩnunga potavare, hareka hokava hai kuareta jaheamahevare.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Judas 1:11

Tengapo retakui! Shara Caín rãĩmi jyre, hareka Balaam rãĩmi kyrypoti pota retarã mbyry javy, hareka ñee henduã retarã Core rãĩmipo opa mano.