Hebreos 13:3 - NandevaBiblia

³ Pynymanduahe mbyperesoavare, kyrã pee pẽĩ hãndia rãĩmi mbyperesoavape, hareka, peeteiva pyhasa'asypeĩva rãĩmi.

Hebreos 13:3 Iomraidhean Croise

Mateo 25:36

Shynani'airã pee shimimondepi vekua; shymbairasyrã pee shiñandupi vekua, ãime'ãĩ shymbyperesoavaperã peiva shy rẽndape”.

Mateo 25:43

mbyryivi airã, shymyvãhẽãpi pynyrẽtape. Shynani'airã pyme'ẽãshe amonde verã; shymbairasyrã hareka shymbyperesoarã, pehoãã pymaĩ shyrehe”.

Hechos 24:23

Haipema Felix heishu 100'õ syndarore juhuvisha Pablo mbyperesoaveteri'ẽ verã hareka jochamba verãre Pablo ñi'irũre pohyshurã hareka ma'ẽĩehe ñygarekohe verãre.

Hechos 27:3

Parejyrã vãhẽhã ohoha tenta Sidonpe varko ñymbo'yseape. Julio ñyngareko kavihe Pablo hareka ma'ẽĩhe oho marãndu kuavare hoka tentape'ẽvã, haire mboryshu verã opa mbai ikotẽvẽape.

Romano 12:15

Pyvy'a hãndi vya'õre hareka jaheo'õre pijaheo hãndi.

1 Corintios 12:26

Pente hai ryheva hasa'asy'ẽrã, opaiteva yngavare hasa'asy jyve. Penteva ñandyrete ryheva ñyngarekoha kaviherã, opaite ĩrũre vya hãndi.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Colosenses 4:18

She Pablo, shepopetei ambyparape kova marãndu. Pymandua shyrehe shymbyperesoavape. Tũpa tiñono pearẽ jyhaihukue. Amén.

Hebreos 10:34

Pee pyparekomba opaite mbyperesohavare, hareka vy'ape pyma'ẽĩmbahe mburuvishare heky pyndyhevi pa'ãpovare, shara pikuaa kavipeĩ ĩmepyre mbai haikavivevarã hareka tantaveva.

Hebreos 11:37

Ã'ãmore itape jukaha, mbyteipitei mbija'oha, kyse puku hãĩmbevapy jukaha. Oparupi iko jyre koñeĩ monde avisha hareka kapura pirekue, pavete jyre, vy'ãã reta hareka jyvareha jyrehe.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.