Hebreos 13:2 - NandevaBiblia

² Avy pyndysarehe pymyvãhe kavi verã ohovare pynyrẽntape, shara ĩmemba'ẽ kuambape myvãhẽva Tũpa jokuevare.

Hebreos 13:2 Iomraidhean Croise

Mateo 25:35

Shara shimbahy'airã pee shymyngarupi, shu'uherã shymbyupi; mbyryivi ouva rãĩmi airã shymyvahẽ kavipi pynyrẽntape.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 25:43

mbyryivi airã, shymyvãhẽãpi pynyrẽtape. Shynani'airã pyme'ẽãshe amonde verã; shymbairasyrã hareka shymbyperesoarã, pehoãã pymaĩ shyrehe”.

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Romano 16:23

Pynymarãndu Gayo, shymyhendava hareka opaite tũpaore. Erasto mymarãndu, hokava tentape kyrypoti ñyngareko'ihea hareka ñadyryvy Cuarto.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Tito 1:8

Kyrãte verã, ñyngareko kavipohe ñumbuhupare, pyryraihupo, ñerãmbapepo iko, heko kavipo, ñymyngy'ãposhu Tũpa hareka ñyngarekopo ijehe.

1 Pedro 4:9

Pymyvãhẽkavishu yngavare pynyrẽtape, avy pijeta porããhe.

3 Juan 1:5

Shyryvy ahaihuva, hekope kavi rãnga rijapo opaite rijapova rỹmbory jyve ñandyryvyre Cristo jyrojahearã, ajemaĩ yngaivi ouva retatẽ.