Hebreos 13:12 - NandevaBiblia

¹² Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 13:12 Iomraidhean Croise

Lucas 4:29

Opa puã retarã mõhe reta Jesús tentaivi, hãrã raha reta yvyturusu'iãre mupuãva hai hentare, haivi mombo verãre yvy kyty.

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Juan 19:34

Hãrã penteva syndaro kutu yvyra puku hakuavapy Jesús jichepe, hãrã haipevaĩ õhẽshi tuvy hareka yy.

Hechos 7:58

Haivi nohẽshu reta hoka tentaivi hareka japi reta itape, hãrã opaite heshavare kova hejashu reta monde vekua Saulo he'iashuva.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,