1 Avy pypoi pijyhaihu shyryvyre.
Kova hai pijapo verã: Pijyhaihu.
Vãhẽma arete Pentekoste he'iashuarã, opaite jyrojavare penteapeĩ ñymbaty reta.
Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.
Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.
Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,
Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.
Piñyhãã katu piko pente pyapeĩ, hãrãpo poiãã pente ñeepe peĩ Espiritu meẽpeva,
Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.
Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.
Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.
Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.
Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.
Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.
Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.
tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.
Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.
Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?
Tẽvã ĩme'ẽ pente mbai rijapo porãmba; shyraihu nungaveãma jypyite shyraihu vekua rãĩmi.
