Hebreos 12:3 - NandevaBiblia

³ Pyndypya pimbijetahe ñymyha'ãnga Jesús ryheva, heta hasashi ñymymorãmba vekua mbai porãmba japo'ia retaivi, tẽvã hai ohoĩ tynonde. Hãrã avy piñymeẽ hareka piñymykangy.

Hebreos 12:3 Iomraidhean Croise

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.

Mateo 12:24

Fariseore hendu kovarã hei: Hai rãnga mohẽ mbaiposhyre juhuvisha Beelzebu ñymbaikatu rupii.

Mateo 15:2

Marã'ĩrãra rỹmboivare japoã hekope kuakuavare pyrỹmboiva rãĩmi? Jypoiã reta karu verã, japohasea rãĩmi!

Mateo 21:23

Jesús ichejy tũpaope, haipe pyrỹmboiteri'õ, vãhẽ jyveru hai ẽvãpe pai juhuvishare hareka kuakuavare Israelva huvishare, pyrãndu jyreshu: Mbavara heinderã rijapo kova mbai? Mbavara meẽ nde ko mbaikatu?

Mateo 21:46

Hãrã pota pysyka jyre Jesús. Kuaretare kyje jyreshi rãmeĩ, shara rekoshu reta Tũpa ĩñee mbeu'ia rãĩmi.

Mateo 22:15

Fariseore ijeta ijupi retarã pente ñeepe ñynoĩ pysyka verãre Jesús, hareka heivare ñonovaishu verãre.

Lucas 14:1

Pente putu'uava jy'arape, Jesús oho pente fariseore juhuvisha hentape karu verã, hãrã opaite haipe õĩvare ma'ẽĩ ñynoĩhe.

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Lucas 16:14

Hãma fariseore, haireta hai kyrypoti haihuvare, opa hendu ñynoĩ kova hãrã ñymbyhoryhe reta Jesús.

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

Lucas 5:21

Hãrã Moisés mbypara vekua pyrỹmboi'iheare hareka fariseore pyapei hei jyre: “Mbavarajy ko Tũpare ijeta porãmba'ia? Mbavara katu hejareii mbai porãmba vekua? Koñẽĩi ranga'ẽ Tũpa”.

Juan 10:20

Heta'ẽ haire mbytepe heiva: Marã'ĩrãra pyhendushu? Kova kuimbai mbaiposhy ĩmere, hareka kuakuaã'i.

Juan 18:22

Jesús kyrã heirã, pente syndaro tũpaope'õ haipe'ia, nupa Jesús hovaipirã heishu: Kyrãra jaijetashu pai ruvishavasu?

Juan 5:16

Hãrã Judiore moña jyre Jesús, shara putu'uava jy'arape hokava mbai japo.

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 8:13

Fariseore heishu: Nde rãnga ndeei rijetari ndijehe, hãrã mbaivapeã haikavi.

Juan 8:52

Haipe Judiore heishu: Ã'ẽ kuaa kavima nde mbaiposhy ĩmeryrerã! Abraham, hareka Tũpa ĩñee mbeu'iare opama mano, hãmera rere ore: “Shiñee japova, manoveamapo”.

Juan 8:59

Hãrã haire ita heky japishu verã Jesús; tẽvã hetavare mbytepe ñemirã õhẽjy oho tũpaovi.

Juan 9:40

Fariseore haipe'ẽ hãndivare hendu reta kovarã pyrãndushu Jesús: Orera ha'ẽĩ jyve kũvãĩpi heshambava?

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

2 Corintios 4:1

Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,

2 Corintios 4:16

Hãme rãnga ñymate'ỹhããhe, ajemaĩ kova yryrete tuja oho'i, tẽvã yrykove opa ara ñymbypy'ahuve oho Jesús rupii.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

2 Tesalonicenses 3:13

Tẽvã pee shyryvyre, avy piñymykangy pijapo verã mbai haikaviva.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 12:5

Tẽvã hãĩshe opa pyndysareheva marãra Tũpa tayre mbarakuaa: “Shyray, avy mbijiche Ñandeja ñunupa kavi hareka avy ñymykangy Hai ijeta pohynderã.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

1 Pedro 2:23

Hehe'iha'ẽshurã hai mba'eãmba hei, jyvarehareherã mapeãmba porãã ijetashu reta, opaimba heja Tũpa ipope, hekopekavi pirĩmbivacheka'ia.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.