Hebreos 12:1 - NandevaBiblia

¹ Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 12:1 Iomraidhean Croise

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 24:13

Tẽvã tãtangatu ẽẽva japypeve, ohojepepokui.

Marcos 10:50

Haipe heshamba kũvãipia mombo jasoirearã, oporã ñymbou, hãma ñymboja Jesús ẽvãpe.

Lucas 12:15

Heijyshu reta: Pymãĩ hareka pirykyje, avy piko mbai pipotareivape! Shara tykove õĩãhe maĩnunga hetava kuaretare imerea.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Juan 3:32

Hai mbeu heshava hareka hendu vekua; tẽvã mba'ety rojava.

Juan 4:39

Heta kuaretare Samariape'õ jyrojahe Jesús taupe heiva rupii: “Opaiteva rãnga mbeusheje ajapo vekuare”.

Juan 4:44

Shara Jesús teiva hei, Tũpa ĩñee mbeu'ia mymorãhãã ha'i hentape.

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?

Efesios 4:25

Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.

Filipenses 1:30

Pee hareka she rãnga ñaĩmeñaĩ penteva ñyhããpeĩ, hokava pyheshama shyrehe, hareka ã'ẽ pyhenduma marãra ãñehããtẽ aha'ai.

Filipenses 2:16

Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

2 Timoteo 2:4

Mba'ety syndarorã'ia yngava maĩnunga japojy verã, shara juhuvisha heivaĩpo japoshu.

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

Santiago 1:3

Shara pikuaa kavi porãmba pyhasapeĩ pirojakueperã, ĩmevepopyre ñyhãrõkuaa.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Pedro 1:6

hareka arãndukuepy, katu ijijokova ryheve, ijijokova ñyharõkuaa ryheve, hareka ñyharõkuapy tykove mbijicheava Tũpa pevarã;

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.