Hebreos 11:4 - NandevaBiblia

⁴ Jyrojakue rupii Abel meẽshu Tũpa mymba jukahava ryheva haikaviveshia Caín. Hãrã Tũpa ñonoshu Abel heko kaviva hareka Tũpa myvãhẽshu hai meẽva. Ajema Abel manoma, ijetateri jyrojakue rupii.

Hebreos 11:4 Iomraidhean Croise

Mateo 23:35

Kyrãpo opa oa pyndyrehekui pijapo vekua hareka heko kavivare jukaha vekuare ko yvy'ĩãrẽ, Abel heko kavi vekua manoivivee, Zacarías Berekias tay ñymanopeve, hai hokava pijuka vekua tũpaope hareka altar mbytepe.

Lucas 11:51

Hãma Abel huvykueivive Zacarías huvykuepeve, jukaha vekua altar hareka tũpao pãũpe. Ãñete hai pee, opaiteva jaheapo pyndyrehekui hokava rehe.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Hebreos 11:2

Jyrojakue ĩmereare rupii ñanytynondevare ijetaha kavihe reta.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 12:24

Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 5:1

Opaite pai vasure hekahapyva kuimbaire mbyteivi, ñonoha kuaretare reheĩ mba'apo verã Tũpa hỹnonde hareka Tũpape me'ẽãva mbeu verã hareka mymba jukahava mbai porãmba kuareta japo vekua hejahareiishi verã.

Hebreos 9:22

Ñee mbyparahavape ẽẽ, opa mbai tekotẽveñoĩmba ijohepy tuvy, shara tuvy hakuavahããrã mba'etypo mbai porãmba vekuare hejarei verã.

2 Pedro 2:8

Shara kova kuimbai heko kaviva haire mbytepe iko'ia, mbasyhe heshava hareka henduva rehe kuaretare heko porã'ãĩterã.

Judas 1:11

Tengapo retakui! Shara Caín rãĩmi jyre, hareka Balaam rãĩmi kyrypoti pota retarã mbyry javy, hareka ñee henduã retarã Core rãĩmipo opa mano.