Hebreos 10:10 - NandevaBiblia

¹⁰ Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 10:10 Iomraidhean Croise

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Juan 19:34

Hãrã penteva syndaro kutu yvyra puku hakuavapy Jesús jichepe, hãrã haipevaĩ õhẽshi tuvy hareka yy.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.

Hebreos 10:14

Shara pente mbai me'ẽãva rupimba añeteĩte mbyhaikavi opaite Tũpape ñymyngyambava.

Hebreos 10:20

Pe py'ahuvaipi hareka hykoveva pea ñande tarapo jochahapya rupii, kova hai hete rupii.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 10:5

Hãrã, Cristo ourã ko yvy ĩãrẽrã, heishu Tũpa: “Nde ripotãã mymba jukahava hareka me'ẽãreiva, koñeĩ rymeẽshe pente tyrete.

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 7:27

Hai ha'ẽã ĩrũ pai vasure rãĩmiva, opa ara ikotẽveva mymba jukahava, tynonde mbai porãmba hai japovare, haivi japo jyvehe tentape'õre pevarã. Tẽvã Jesús penteĩmba haiteiva ñymeẽ jukaha verã hareka opa ara pevarã.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.