Hebreos 10:1 - NandevaBiblia

¹ Moisés mbypara vekua rãnga hai pente haikaviva heshaha verã Tũpa meẽ ñande verã. Hãrã mbyparahava katuã añeteĩte mbyhaikavi ñono opaite ãñope raha mymba jukarã meẽñoĩva Tũpa pevarã.

Hebreos 10:1 Iomraidhean Croise

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Colosenses 2:17

Opaiteva kova, ou verã hã'angaĩ rãnga, tẽvã añeteva hai Cristo.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 7:11

Tũpa meẽshu tenta Israel mbyparahava japoa verã. Kova mbyparahava japoha verã japoha Leví pai tayre mbory verãre tenta mbyhekokavi verã. Tẽvã hokava paire katuã japorã, õheñoĩpo pente pai yngaiva, pente haimbava pai Aarón ñymoña handiva, koñeĩ Melquisedec ryheva.

Hebreos 8:5

Kova paire japo jyre vekua rãnga, vate arape'õ rãĩmiva myha'ãngaheva hareka kuarãsyã; Tũpa heishuva rãĩmi Moisés, japomapo'ẽ tavernakulorã: Mãĩkavikui, rijapo ryraha verã arymbyheshakava rãĩmi yvyturusupe.

Hebreos 9:11

Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.

Hebreos 9:23

Hãme rãnga, opa maĩnungare tekotẽveñoĩmba oo Tũpa omomba'eha'õpe ẽvãre, mbivachehaheva vate arape'õ rãĩmi, opa joheha verã jyve mymba jukaha rupii. Tẽvã vate arape'õre ikotẽvehe mymba jukahava haikaviveva.

Hebreos 9:25

Ha'ẽãmba hetajy ñymeẽva ñymbyhaikavi verã Pai ruvisha japo'i vekua rãĩmi Tyrẽnda Kyamba'eiteveva meẽ reta tuvy haimba ña'ãpova pente ãñope.