Hebreos 1:1 - NandevaBiblia

¹ Aryka'eite Tũpa ijeta hareka opaishareimba heishu ñanytynondevare ĩñee mbeu'iare rupii.

Hebreos 1:1 Iomraidhean Croise

Lucas 1:55

Hai ñee meẽvã rãĩmi ñanytynondeva retape Abrahampe hareka ñymoña hãndi verãre opa ara.

Lucas 1:72

heshakashu verã jyparekokue ñanytynondevare, hareka manduahe verã ñee me'ẽã vekua kyamba.

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Juan 7:22

Hãme rãnga Moisés hejambape pyndyray pire chĩchĩãshi verã haimbate Moisés mbyparava, pynytynondeva reta rãnga, hãrã putu'uava jy'arapeave japo reta.

Juan 9:29

Ore kuaaha Moisés Tũpa ijetashurã; tẽvã hokavaivi, ouvaivĩmba kuaahava.

Hechos 13:32

Kyrã ore mbe'uha jyve pee Ñee kaviva Tũpa ĩñee meẽ vekua ñanytynõndeva retape.

Hechos 2:30

Tẽvã David hai Tũpa ĩñee mbeu'ia, kuaakavi Tũpa meẽshu ĩñee ñono verã pente tay mburuvisha vasurã.

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

Hebreos 11:18

Ajema Tũpa heishu: “Rĩmoña hãndiare oupokui Isaak rupii”.

Hebreos 11:2

Jyrojakue ĩmereare rupii ñanytynondevare ijetaha kavihe reta.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 2:2

Shara Tũpa jokuevare hei vekua añete hareka opaite mbai porãmba japo vekuare hareka ñee henduã retarã hekope kavi nupãha,

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 3:5

Kyrã Moisés, jokuehava rãĩmi, hekope kaviñoĩmba japo opa mbai Tũpa hoope, mbeu verã mbaivara Tũpa heipo'ẽ mbai arape.

Hebreos 4:8

Josué meẽma hokava putuu ryheva arykairã, Tũpa ijetaveãmatẽhe verã ĩrũ arare.

Hebreos 5:5

Kyrãĩ jyve Cristo õñemomba'eã ha'ei pai vasurã iñiñonorã, Tũpa rãnga ñono; hareka heimbashu: “Nde hai Shyray, ã'ẽ hai ndyrehe nde haiva Shyray”

Hebreos 9:19

Shara Moisés mbeumashu opaite Israelitare ñeẽ japoha verãrã, heky vakaray huvy handi kapuraray huvy hareka yy mbihia, haivi heky avisha haa pyntava hareka pente isopo hãka, momohẽhe verã kuatia ñee mbyparahava hyru hareka jyve opaite israelitare.