Galatas 6:8 - NandevaBiblia

⁸ Kuaretare hykovepe ñotyva hetepe potava, mbai porãmba vekuaivi mynoõpo ñymano. Tẽvã ñoty Espiritu Santo potavarã, Espiritu Santoivipo mynoõ tykove opamba.

Galatas 6:8 Iomraidhean Croise

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Lucas 18:30

hetavepo mẽ'ẽajyshukui opa heja vekuaivi ko yvy'ĩãrẽ, hareka ara ouverãpe mẽ'ẽaposhu tykove opamba verã.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 4:36

Hãrã ñotyãvã'ia mynovã mẽ'ẽhãshu japova hepykue. Ko ñotyãva'ia myno'õhãvã rãnga hai tykove opambava pevarã, kyrã vyapãvẽĩ verã ñimĩtyva hareka ñotỹava'ia mynovã.

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

1 Corintios 15:42

Kyrãpojy vekui mano vekuare opa kuerajyrã; ñotỹha pente tyrete opa ñymbai verãpe, tẽvã kuerajypokui tyrete manoveãma verã ryheve.

Galatas 6:7

Avy peii piñymbytavy: Mba'ety ñymbyhoryhe verã Tũpa. Opaite ñande ñañotyva, ñandeipo ñamynoojykui.

1 Timoteo 1:16

Tẽvã Tũpa shypareko, Jesucristo heshaka shyrehe verã tynonde ñyharõkuaa hareka shypory verã ma'ẽãhe verã rãĩmi opaite jyrojahe verãre pevarã, hipity verã jyve tykove opambava.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Santiago 3:18

Hãrã õñehãã japova pyavapy ryheva, pyavapy ryheve ñoty, mynoo verã tykove hekope kavi'õ.

2 Pedro 2:12

Tẽvã kova kuaretare jahehe mbai kuaa kavimba vekuare; mymba rãĩmi jyre, oarã pysyha hareka jukaha reta, hãrã jyvareapohe porãmba japova rehe.

2 Pedro 2:19

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.

Judas 1:21

Piko Tũpa jyhaihupy, pyhãrõteripẽĩ ara Ñandeja Jesucristo jyparekokue ryheve meẽpe verã tykove opamba.

Apocalipsis 22:11

Ma'ẽĩhe heko kavimba tijapoĩti hekopemba'õ; hareka ñakape mbai kya ĩmerea, tijapoĩti mbai kyava. Mbaikavivaĩ japo'ia, ma'ẽĩhe tijapoĩti; hareka heko kyamba, tijapoĩti mbai heko kyamba”.