Galatas 6:2 - NandevaBiblia

² Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

Galatas 6:2 Iomraidhean Croise

Mateo 8:17

Kyrã jehu, hekope kavi iko verã Tũpa ĩñee mbeu'ia Isaias heiva rãĩmi: “Hai opa heky ñandyhevi ñany kangykue, hareka opa raha ñanymbai rasykue”.

Lucas 11:46

Tẽvã Jesús hei: Tengapope Moisés mbypara vekua pyrỹmboi'iheva!, piñonova kuimbaire ĩãrẽ mãĩnũnga pohyva katumba jepyhea, tẽvã pypokõĩmbahepea.

Juan 13:34

Ahejape kova ñeẽ japoha verã py'ahuva: Pijyhaihupo. She apyryhaihuva rãĩmi, hãrã kyrãmipo pyhaihu jyve pepenteĩ yngavare.

Juan 15:12

Kova hai she haiva ameẽpeva: She apyryhaihuva rãĩmipo, pijyhaihu jyve.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

1 Corintios 9:21

Moisés mbypara vekua mba'etyreare, ãĩme'ãĩ hãndi retarã, haire ikova rãĩmi aiko jyve, ambory verã reta jyve jyrojahe verã Cristo. Kova he'iseã ajapombava Tũpa heiva. Mba'ety, ajapoñoĩ rãnga, shara ajapo Cristo heiva.

Galatas 6:5

Shara Tũpa hỹnonde pepenteĩpo japo, ha'ei japo verã.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

Santiago 1:25

Tẽvã maĩkaviheva Moisés mbypara vekua hekope kavi'õ, Tũpa ĩñee hai hekope kaviva hareka ñandorava, syryãshirã, ha'ẽã henduĩñoĩteva hareka sareheva, koñeĩ japo, vy'apo opa mba'e japova rehe.

Santiago 2:12

Kyrã pijeta hareka kyrã piko pimbivacheha'ẽ verã rãĩmi ñee mbyparahava japoha verã ñandorava ryheva.

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

2 Pedro 2:21

Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

1 Juan 4:21

Jesucristo heja ñande ko ñeẽ japoa verã: “Tũpa haihuva, tyhaihu jyve tyvy”.