Galatas 6:12 - NandevaBiblia

¹² Opaite pinimiñerã'iare piñichĩchĩka verã, japo pota pyta kavi hãndi kuareta retarã hareka potãã moñahã reta ñee Cristo kurusu ryheva reherã.

Galatas 6:12 Iomraidhean Croise

Mateo 23:27

Tengapope Moisés mbypara vekua pyrỹmboi'iheare hareka fariseore, hova mokue'iare! Pyndy'ova tã'õve ñonoavape, ĩãrẽĩ mashyãva tẽvã hapype tynyhẽ'ẽ tykavẽkue hareka mãrãrãgãtuva porãmba vekua.

Mateo 23:28

Kyrãĩ jyve pee, pyndyreko kaviva rãĩmi heshaha pyrehe katuaivi kuaretare hỹnonde tẽvã pyndypyape tynyhẽ papishatamba hareka piniñarõkuevi.

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Mateo 5:10

Vy'apo reta hasa'asyva, mbai hekope kavi japo'irã, shara haire ña'ãpova huvisha vasu vate arapy'õ ryheva.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:2

Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Lucas 16:15

Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Lucas 20:47

Hãma ĩme manoshi vekua hoore heky jyreshi, hãrã ñemipy verãre puku rã'ãnga ñymboi reta. Kovare hetaveepo nupãhãkui.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 15:5

Tẽvã a'ãmo fariseo Jesús jyrojaheare, puã reta hareka hei reta: Ẽẽñoĩ rãnga ẽẽ pyreheva chĩchĩhaka verã hareka hekope kavi japoha verã Moisés mbypara vekua.

2 Corintios 10:12

Katuããny ñimbivachea hãndi hareka ñymyha'angahe ijehei ijeta kavi'iare, hairetateiva ñono marãrapo iko, hãme rãnga ñyhããjyre ijupe, ha'ire ñimbivachejyrerã, katynga kua'ãĩtei japovare.

2 Corintios 11:13

Haireta rãnga apostol japuvare, ñimiñee'ia japureiivare, ñymbyheereiipy reta Jesucristo apostolre.

Galatas 2:14

Hãme aheshama haire ikoã ñee kavi añeteva heiva rãĩmirã, opavare hỹnonde ãĩngãtashu Pedro: “Nde Judiova, rikori Judio retamba ndeva rãĩmi, marã'ĩrãra akuarã pota rĩmiñerã Judiombare, iko verã Judio rãĩmi?”

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 5:11

Shyryvyre, apyrỹmboiteri aihe tipire chĩchĩãva ryhevarã, Judiore shymoñambatẽ verã, haima ñee Cristo jukurusu ryheva ambeuva mbyposhykambatẽ verãre.

Galatas 6:13

Hãrã opaite ñichĩchĩka vekuare, opãã japo jyve Moisés mbypara vekua heiva rãĩmi. Tẽvã haire pota peiĩ pipire pichĩchĩkashu, haivi jyrojahe verãre haire heiva pijaposhurã.

Filipenses 1:15

Ãñete ĩme'ẽjy Cristo ĩñee mbeu'iare ñymbyvaisho'ẽ shyreherãmeĩ hareka shyreshatãã ñynoĩrã, tẽvã ĩme'ẽjy kyrẽ'ỹpe japova.

Filipenses 2:4

Harekajy, avypo mbava heka ha'ei haikavishu verãvẽĩ, koñeĩ yngavare pevarã jyve.

Filipenses 3:18

Hetama hai jyvyĩpeva rãĩmi, hareka ã'ẽ shysay syry ẽẽ shyrovare, ĩme'ẽ heta heshatamba Cristo jukurusurã.

Colosenses 2:23

Ãñete rãnga kova mbaire hãĩtẽ haikaviva, shara ñanymbyhaikavi, ñanimishĩ rã'ãnga'i, ñandyrete mbyhasy, tẽvã kova mbai jokoã ñandyrete potava japo verã.