Galatas 6:10 - NandevaBiblia

¹⁰ Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Galatas 6:10 Iomraidhean Croise

Mateo 10:25

Mbo'eharea vy'apo pyrỹmboi'õ rãĩmi'irã hareka jokuehareirea pyrokue'õ rãĩmi ikorã. Hãrã oo ija he'iahe Beelzeburã, mãrãrapo kyrãã he'ia jyveshu henta ĩrũre?

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 5:43

Pee pyhendu he'iambajy aryka'e: “Ryhaihuposhu ndyraihuvare, hãma avy haihu ndyvaishore”.

Marcos 3:4

Haipe pyrãndushu yngare: Mbaivara katu jajapo putu'uava jy'arape, haikavivara maĩrã porãmbara? Ñamondojeperapo pente tykove, maĩrã jajukarapo? Tẽvã haire mba'ẽã heishu reta.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Juan 12:35

Jesús heishu reta: Ĩmeteripo'ẽ pynymbytepe sape'ẽva, tẽvã kỹỹvẽãmapo. Pyvata pyrekoteri ko sape'õrã, mahẽ pyndysapyakui timimbiva; shara timimbivape ikovare kũãã mãĩpirapo oho.

Juan 9:4

Kõĩ terirã ajapo ñõĩpo shymbou vekua potava; shara vãhẽpo pỹntu verãpe, hãrã mbaveamapo mba'apo.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

2 Corintios 2:8

Hãme airurepe, pyheshakajyshu marãra pyhaihushu.

Galatas 1:23

Koñeĩ hendu pevẽĩte reta heiva: “Ñanymoña'i vekua, ã'ẽ mbeu'i jyve ñee kavi jyroja ryheva, aryka'e pota opa mbai'i vekua”.

Efesios 2:19

Hãrã pee haiveãma tenta mbyryvare jy'yvymbape, pente tenta kyamba jyvepe Tũpa ña'ãpova. Pee rãnga hai jyve Tũpa henta ĩrũre.

Efesios 3:15

opa mbai ẽvã japo vekua, arare hareka yvy'ĩãrẽ,

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Efesios 5:16

Pipory kuaapo ara pimepẽĩvape, shara porãã ara ouva.

Filipenses 4:10

Shyrory rãnga, Ñandeja rehe pynymanduajy shyreherã hareka peñepyrõ shymbory py'ahujyrã. Ha'eã pyndysare shyhevirã, pyvãheãshu rãmeĩ rãnga marãrapo shymborypi.

Colosenses 4:5

Ãrãndupe piko hãndi Cristo jyrojambaterihevare, pipory kavi hoka ara pijetashu verãre.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

1 Tesalonicenses 5:21

Oparãni pikuaakavi, hareka pymymbyta pijehe haikavivare.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.

3 Juan 1:3

shara shymbyvy'aiteva hai ñandyryvyre jyveru mbeushe marãra riko hekopekavi hareka marãra ryvata añetevape.