Galatas 6:1 - NandevaBiblia

¹ Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Galatas 6:1 Iomraidhean Croise

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Mateo 26:69

Haipe Pedro vapy'ẽ katuape, hãrã pente taupe pai juhuvisha jokuerea oho hyvacherã heishu: Nde rãnga rikori jyve hãndi Jesús, Galileava.

Mateo 26:75

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Romano 14:1

Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

1 Corintios 14:37

Ĩme'ẽ hei ijeheva haiva Tũpa ĩñee mbeu'iarã, maĩrã heiva Espiritu ñonova ñakapy hei verã, kuaapo jyve kova ambyparapeva hai ñeẽ japoa verã Ñandeja ña'ãpova.

1 Corintios 2:15

Hãrã Espiritu Tũpaivi ouva ĩmereva opa maĩkaviherã, kuaa kavi. Tẽvã Espiritu mba'etyreva katuã maĩkavihe, hareka ẽẽãshu kuaa verã.

1 Corintios 3:1

Shyryvyre, katuãny aijetape kuaretare kurimba jyrojavare rãĩmi, koñeĩ pyrãtambateriva hareka sanjaymire rãĩmi Cristo rehe.

1 Corintios 4:21

Marãra pipota aha apohype? Yvyra ryheverapo aha maĩrã jyhaihukue hareka pyakavi ryhevera?

1 Corintios 7:5

Hãma avypo pere pijupe potamba pypoko ijeheva. Tẽvã mokue ryhevepo piñiñono pente ñeepe, pypokombajy ijehe verã, mbovy ara pimboi verã. Hãma haivi katu pikojy ijupi, mahẽ Satanás pypya hããkui pijyjokoarã hareka pindirityjykui mbai porãmbape.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 2:7

Ã'ẽ katuma pyhejareiishi hareka pymborypo haikavi'ẽjy verã, mahẽ vyamba vekua porãã japohekui.

2 Corintios 2:8

Hãme airurepe, pyheshakajyshu marãra pyhaihushu.

Galatas 5:23

jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

Galatas 6:18

Shyryvyre, Ñandeja Jesucristo tiñohẽ pyndyrehe mbai kavikue. Amén.

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

2 Tesalonicenses 3:15

Tẽvã avy pota pimbyvaishohe, koñeĩ pymbarakuashu pente ñandyryvy rãĩmi.

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Hebreos 12:13

hareka tape symyĩva pyheka pepy pevarã, tepy japava kuera verã hareka syryimbajy verã.

Hebreos 13:3

Pynymanduahe mbyperesoavare, kyrã pee pẽĩ hãndia rãĩmi mbyperesoavape, hareka, peeteiva pyhasa'asypeĩva rãĩmi.

Santiago 3:13

Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.

Santiago 3:2

Opaiteva hetañoĩ jajavy. Ĩme'ẽ ĩñee rupii javymbaarã hokava hai pente kuimbai hekope kavi'ia, hete katu jokova.

1 Pedro 3:15

koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã.

1 Juan 5:16

Ĩme'ẽ hesha tyvy jyrojava jyve japo pente mbai porãmba ñymanope pyryrahambavarã, jururepo'ĩãrẽ hãrã Tũpa meẽposhu tykove hokava kuareta, ha'ẽã mbai porãmba ñymanope pyryrahavarã. Ĩme'ẽ pente mbai porãmba ñymanope pyryrahava, hareka she ha'ẽãpe pirure'ĩãrẽ verã kova mbai poramba japovare.