Galatas 5:3 - NandevaBiblia

³ She haipojype, ĩme'ẽ kuimbai pire chĩchĩkava, hai ẽẽma japoñoĩ verã Moisés mbypara vekua heiva rãĩmi.

Galatas 5:3 Iomraidhean Croise

Mateo 23:16

Tengapope pyrỹmboi'iare kũvãĩpi heshamba! Pereva: “Ĩme'ẽ ĩñee meẽva tũpao heepe, hokava mba'ẽã hai, hãrã ĩñee meẽva ita vera ijuva tũpaope'õ reherã, japoñoĩpo ĩñee”.

Mateo 23:18

Pee pere jyve: “Ĩme'ẽ ĩñee meẽva altar tũpaope õ rehe, hokava mba'ẽãshu; tẽvã ĩñee meẽva Tũpape me'ẽãva altar ĩãrẽ õvã reherã, hokava japopo hai ĩñee”.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 2:40

Pedro kyrãva ñee rupii ñimiñeeshu reta hareka mbarakuaashu retarã hei: Avy piko hãndi kuaretare mbai porãmba japo'iare!

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Romano 2:25

Mba'ẽã rãngaposhu mbava pire chĩchĩka'i Moisés mbypara vekua japoãrã, mbijicheĩrã, hãĩny haimbatẽã pire chĩchĩkava.

Galatas 3:10

Opaite jyrojaheva Moisés mbypara vekuare, jaheapohekui. Shara Tũpa ĩñeepe hei: “Jaheapohe japombava hekope kavi opaite ẽvã Moisés mbypara vekuapy”.

Galatas 5:2

Shyrẽndupi: She Pablo, hai pee pypya pimbijetahe pipire pichĩchĩkarã peĩ verã heko kavi Tũpa hỹnonderã, pee pevarã Jesucristo manoreite verã.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

1 Tesalonicenses 4:6

Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.