Galatas 5:22 - NandevaBiblia

²² Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 5:22 Iomraidhean Croise

Mateo 12:33

Pente yvyra jypy haikavirã, ia kavipo; hãmã põrããrã, ia kaviãpo jyve shara yvyra iarei kuaaha.

Lucas 13:9

Katuara koivi'iakui, hãma i'ããjyrã, katumapo jajasyja”.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Juan 15:5

She hai uva jypy, hãrã pee hai hãkare. Hãrã ẽẽ shyreheva hareka she ãiheva rãĩmi, hetapo ia; shara shyrehembape mba'ẽãpo pijapo.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 15:3

Shara Cristo hekããmba typya ohoahe verã, koñeĩ hai japopeveĩ Mbyparahava heiva: “Opaite poshyndevare heindevare opa ou sheãrẽ”.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Romano 8:5

Shara opaite ikovare hete potava rãĩmi, ha'ẽĩ pya mbijetahe japo verã hete potava, tẽvã Espiritu potava rãĩmi ikovare, Espiritu ryhevaĩ pya mbijetahe.

1 Corintios 13:13

Mbahapy'ẽ opamba ryheva; jyrojakue, ñahãrõva hareka jyhaihukue, tẽvã kova mbahapy'ẽvã retaivi haikaviveva hai jyhaihukue.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Efesios 4:23

Pee rãnga piñymbypy'ahupo pyndyrykovepy hareka pyndypyape,

Efesios 5:9

Hoka sapevaivi rãnga õhẽ mbai haikaviva, heko kaviva hareka añeteva.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

2 Tesalonicenses 3:2

Pirure jyve, Tũpa ñyngareko yryreheshi verã kuaretare heko porãmbaivi hareka porãmba japo verãĩ ñaka poryva, shara opaitevãã jyroja reta.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.