Galatas 5:18 - NandevaBiblia

¹⁸ Hãrã ko Espiritu Santo potava rãĩmi pikorã, pẽĩveama'ipe Moisés mbypara vekua heiva rãĩmi.

Galatas 5:18 Iomraidhean Croise

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Romano 8:12

Hãrã shyryvyre, ĩme'ẽ jajapoñoĩ verã, tẽvã ha'ẽã ñandyrete potava rãĩmi.

Romano 8:14

Opaite ikova Espiritu Tũpa ryheva potava rãĩmirã, hai hokava Tũpa tayre.

Galatas 5:16

Hãme rãnga hai pee: Piko Espiritu Santo potava rãĩmi, hareka avy pijapo pyndyroo potava.

Galatas 5:23

jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

Galatas 5:25

Ã'ẽ jaiko Espiritu rupiirã, javatapo jyve Espiritu rupii.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

2 Timoteo 1:7

Shara Tũpa me'ẽã ñande pente espiritu jakyjejai verã, koñeĩ mbaikatu, jyhaihu hareka ijijokokuaa.