Galatas 5:11 - NandevaBiblia

¹¹ Shyryvyre, apyrỹmboiteri aihe tipire chĩchĩãva ryhevarã, Judiore shymoñambatẽ verã, haima ñee Cristo jukurusu ryheva ambeuva mbyposhykambatẽ verãre.

Galatas 5:11 Iomraidhean Croise

Hechos 16:3

hãrã Pablo pota Timoteo oho hãndi ohovaipi. Tẽvã tynonde pire chĩchĩkashi, potãã Judiova haipi'iare poshy ñynoĩrã, shara haire kuaa kavi tuu Greciape'õrã.

Hechos 21:21

He'ihambashu reta nde rỹmboirẽĩva opaite haimba Judiore, syryshi verãre Moisés pyrỹmboihe vekua hareka rereshu reta potambaa tayre ñymbai pire chinchihashia harekajy potamba ikova jypykuahava rãĩmi.

Hechos 21:28

hareka sapuke reta: Kuimbaire Israelvare, yrỹmborymi! Kova kuimba hai oparupi kuaretare mboiheva ỹrỹrẽta hyvaishorã, Moisés mbypara vekuare hareka tũpaore, harekajy ã'ẽ minjemajy griegore, hareka myngya kova tyrẽnda kyambava.

1 Corintios 1:18

Shara ñee Cristo jukurusu ryheva mba'ẽãshu hai, õñehundi verã kyty oho'iare; tẽvã ohojepevare pevarã hokava ñee hai Tũpa ñymbaikatukue.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

1 Corintios 15:30

Hãmera mbaiva rehepo opa ara õĩhã yryrykove porãmba jehushu verãpe?

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Galatas 4:29

Hãrã hoka arape puruava memby kuareta potava rãĩmi ijeshatãã hãndi Espiritu tay, kyrãngãti ikojy ã'ẽ.

Galatas 6:12

Opaite pinimiñerã'iare piñichĩchĩka verã, japo pota pyta kavi hãndi kuareta retarã hareka potãã moñahã reta ñee Cristo kurusu ryheva reherã.

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.