Galatas 5:1 - NandevaBiblia

¹ Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Galatas 5:1 Iomraidhean Croise

Mateo 23:4

Ñapĩnti mbai pohyva katumba jajepyhea hãrã ñono kuaretare ñyvãpenkare, tẽvã mupuãjy verã haire penteĩmba ẽẽshua ipo my'õmyva.

Lucas 5:38

Shara vino py'ahuva mbyhyruañõipo vakapi py'ahuvapy.

Hechos 15:10

Marã'ĩrãra akuarã Tũpa pypyare mokuepishu, pota mbo'ehareare haimba Judiore pĩñono pyrehe mãinunga pohyva, ñande hareka ñanytynondevare katumba jepyheva.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

Romano 6:18

Pijyhekymashi mbai porãmba vekuarã, peĩma pokueharei verã tykove hekope kavi'õ ryhevape.

Romano 7:3

Hãrã ĩme manombateriva hareka yngava kuimbai iko'ijy hãndirã, he'iaposhu javasa'ia. Tẽvã teme manomarã, ijyhekymashi hokava ñee mbyparahava, hareka he'ihãpohe javasa'ia, ajemaĩ yngava kuimbai rekotẽjyva.

Romano 7:6

Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

1 Corintios 7:22

Shara jokuehareirea hẽnohã jyroja verãrã, ã'ẽ haima pente kuimbai mbaimba jocha'õ, mba'aposhu verã Ñandeja, kyrãi jyve hẽnoãrã jokueharea, ã'ẽ haima Cristo jokuereva.

2 Corintios 11:20

Mba'ẽã pereshu pokuereii'iare, pimiñerã pyrojashu verã, pynymbytavy'iare, ha'ei retaĩ ñymbyvate'ia hareka pyndyrovaipi nupa'iare.

2 Corintios 3:17

Shara Ñandeja hai Espiritu; hãma Ñandeja jy Espiritu ẽvãpe, mba'ety pyrypysy'õ.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Galatas 3:25

Tẽvã ã'ẽ vãhẽma ko jyrojakuerã, ñande õĩveãma Moisés mbypara vekua ñyngareko'i ñandyrehe verã,

Galatas 4:26

Hoka tenta Jerusalen vate arapy'õ hai kova taupe haimba jokuearea, hokava hai opaiteva ñandesy.

Galatas 4:31

Hãrã shyryvyre; ñande ha'eã ko taupe jokuearea memby, hoka taupe haimba jokuearea memby rãnga ñande.

Galatas 4:9

Ã'ẽ pikuamashu Tũpa, maĩrã haikavivera jairã, Tũpa pyndykuarã. Hãrã, marã'ĩrãra peijypo paykue pikojy verã arykai, piko vekua rãĩmi, pijokuekapeishu mbaikatu pyrãtamba hareka ãñetemba?

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Efesios 6:14

Symyĩ katu pẽĩ, japumbape piko tukua jokuahapya añeteva, hareka pijocha pitia ijojahasepya tykove kavipe.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

1 Tesalonicenses 3:8

Kuaahama tãnta pirojahe Ñandejarã, ñanduhajy pyrãtakue ikohaĩteri'i verã.

2 Tesalonicenses 2:15

Hãrã shyryvyre, pyrãtape peĩhe Tũpa hareka avy pyndysarehe apyrỹmboihe vekua, ñee rupii maĩrã mbyparahava rupii, myvãhẽhapeva.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

1 Pedro 2:16

Piko kuareta mbaimbaa jocha'õ rãĩmi, tẽvã hoka rehe avy pijapojy mbai porãmba. Piko Tũpa jokuereva rãĩmi.

2 Pedro 2:19

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

Apocalipsis 2:25

Tẽvã pingareko kavipohe ĩmepyreva, she aijypeve.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.