Galatas 4:6 - NandevaBiblia

⁶ Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Galatas 4:6 Iomraidhean Croise

Marcos 14:36

Ñymboirã hei: Abba, Sheru, nde rãnga opa mbai javaiã rijapo verã; heky shyhevi kova mbai pohyva ahasa verã. Tẽvã avy tiko she aipotava, kõñẽi tiko nde ripotava.

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 11:2

Jesús heishu reta: Pirurerã pere: “Sheru vate arapy rẽĩva, toñemombai ndyree. Tou rẽĩvãpe'õ ryheva. Tijijapo nde ripotava, ko yvy'ĩãrẽ vate arapy'õ rãĩmi.

Juan 14:16

Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

Juan 3:34

shara Tũpa mbou vekua ijetahe Tũpa ĩñee, shara Tũpa opaĩ meẽshu jy Espiritu.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 16:7

Vãhẽma jyraha Misiaperã, pota jyraha jyre Bitiniape, tẽvã Jesús jy Espiritu ñonoãshu reta.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

2 Corintios 3:17

Shara Ñandeja hai Espiritu; hãma Ñandeja jy Espiritu ẽvãpe, mba'ety pyrypysy'õ.

Efesios 1:13

Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Filipenses 1:19

Hãma aikuaa pimboi shyreherãmeĩ hareka Jesucristo Espiritu shymbory rupii yrẽãmipo ãhẽkui ko shymbyperesohavaivi.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.