Galatas 4:3 - NandevaBiblia

³ Kyrã iko jyve ñandyrehe. Ñanyndeiterijairã, jokuearea rãĩmi jaiko jyve kuaretare ipope potava rãĩmi.

Galatas 4:3 Iomraidhean Croise

Mateo 11:28

Pei she ãĩvape, opaite pee pynykangyva hareka ojepy'apyva, she apurũmbuputuupo.

Juan 8:31

Jesús heishu Judio jyrojaheare: Pijapo katu shiñeerã, ãñeteĩtepo haipekui amboi'areare.

Hechos 15:10

Marã'ĩrãra akuarã Tũpa pypyare mokuepishu, pota mbo'ehareare haimba Judiore pĩñono pyrehe mãinunga pohyva, ñande hareka ñanytynondevare katumba jepyheva.

Romano 7:14

Jaikuaa rãnga ñee mbyparahava haiva espiritu ryheva, tẽvã she hai pente kuareta me'ẽã vekua jokuearea rãĩmi mbai porãmbape.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

2 Corintios 11:20

Mba'ẽã pereshu pokuereii'iare, pimiñerã pyrojashu verã, pynymbytavy'iare, ha'ei retaĩ ñymbyvate'ia hareka pyndyrovaipi nupa'iare.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Galatas 3:19

Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Galatas 4:2

Ndeiterirã hetare maĩnungarã ĩmerejy ñyngarekoheshuva ña'ãpovare, tuu heishua arapeve.

Galatas 4:24

Kova hai ñymyhã'ãngarã. Hoka mõkue taupe rupii rãnga he'ise mõkue ñee Tũpa meẽ vekua. Taupe Agar rupii ñande jaikuapo hoka ñee me'ẽã vekua, ita vate ouva Sinai ryheva. Hai memby retaivi oa jokuehañoĩre verã.

Galatas 4:25

Hoka Agar haĩ yvyturusu Sinai rãĩmiva, Arabiape'õ, ã'ẽ ova tenta Jerusalen. Shara haipe'iare Moisés mbypara vekuaĩ ijokueka jyreshu.

Galatas 4:31

Hãrã shyryvyre; ñande ha'eã ko taupe jokuearea memby, hoka taupe haimba jokuearea memby rãnga ñande.

Galatas 4:8

Arykai, ndeiteri pikuaa Tũpaperã, Tũpa ha'ãngare mba'etyva haykue pijokuekapi.

Galatas 4:9

Ã'ẽ pikuamashu Tũpa, maĩrã haikavivera jairã, Tũpa pyndykuarã. Hãrã, marã'ĩrãra peijypo paykue pikojy verã arykai, piko vekua rãĩmi, pijokuekapeishu mbaikatu pyrãtamba hareka ãñetemba?

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

Hebreos 5:12

Arykaimatẽ pypyrỹmboipi verã, katynga pota hykuaĩ mbe'uajype Tũpa ĩñeepe'õ javaimbatẽvã, jaishu ho'uava tantava peumatẽ verã, kambyĩ pota peupi.

Hebreos 7:16

Yngaijy hai, shara pyhỹrõhããmba ñymoña hãndiaivi ñee mbyparahava japoa verã heiva rãĩmi, koñeĩ pyhỹrõhamba pente tykove mbaikatu rupii ñymbaimbava.