Galatas 4:26 - NandevaBiblia

²⁶ Hoka tenta Jerusalen vate arapy'õ hai kova taupe haimba jokuearea, hokava hai opaiteva ñandesy.

Galatas 4:26 Iomraidhean Croise

Juan 8:36

Hãme rãnga, Tay pindijora mbai porãmba vekuaivirã, ãñeteĩtepo pindijorahakui.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

Romano 6:18

Pijyhekymashi mbai porãmba vekuarã, peĩma pokueharei verã tykove hekope kavi'õ ryhevape.

Galatas 4:22

Mbyparahavape hei Abraham ĩmereva mokue tay, penteva hai Agar taupe jokuearea memby, hareka ĩrũ hyrekoite Sara memby, hokava taupe ha'eã hai jokueharea.

Galatas 4:25

Hoka Agar haĩ yvyturusu Sinai rãĩmiva, Arabiape'õ, ã'ẽ ova tenta Jerusalen. Shara haipe'iare Moisés mbypara vekuaĩ ijokueka jyreshu.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Filipenses 3:20

Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

1 Pedro 2:16

Piko kuareta mbaimbaa jocha'õ rãĩmi, tẽvã hoka rehe avy pijapojy mbai porãmba. Piko Tũpa jokuereva rãĩmi.

Apocalipsis 12:1

Haivi ijyhesha arare pente tivishava mbai heshahava: Pente taupe kuarasype ñymondeva, hareka jasy ipy ipere, hareka ñakare'ẽ pente tankare ñonoava 12 jasytata ĩmerea.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 21:2

Hareka aheshajy tenta kyamba, Jerusalen py'ahuva, vate araivi vejyva, Tũpa ẽvãivi, myhẽvãhava tyrekorã ñymymashiãva, temerã vãhẽma ourã pevarã.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.