Galatas 3:5 - NandevaBiblia

⁵ Tũpa meẽpeje Espiritu hareka japo pyhesha verã heta mbaikavi heshaha verã. Marã'ĩrãra japo? Ha'eã Moisés mbypara vekua pijapopirã, Ñee kavi pyhendu vekua pyroja rãmeĩ rãnga.

Galatas 3:5 Iomraidhean Croise

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Romano 10:17

Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

2 Corintios 10:4

Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

2 Corintios 13:3

Shara pota pikuaa shyhevi ãñetera Cristo she rupii ijeta. Pee pevarã kangyã hai, koñeĩ heshaka jyve ñymbaikatukue pynymbytepe.

2 Corintios 3:8

Kyrãmba aryka'e hokava, hãmera Espiritu ryheva japoava hĩmbipeveãrapo hai?

2 Corintios 9:10

Tũpa meẽ timity ñotyã verã hareka hou verã pãhã, me'ẽhapope pimityrã hareka hetavepo myhẽñope pyndekope hareka mbyhetavepope mbai ñimbivachepe pijapova rehe.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Filipenses 1:19

Hãma aikuaa pimboi shyreherãmeĩ hareka Jesucristo Espiritu shymbory rupii yrẽãmipo ãhẽkui ko shymbyperesohavaivi.