Galatas 3:29 - NandevaBiblia

²⁹ Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 3:29 Iomraidhean Croise

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Galatas 3:18

Tũpa hei vekua meẽ ñande verã ẽẽmba Moisés mbypara vekuaperã, haiveãmambapo ñee me'ẽãva. Ijykuaa kavi rãnga Tũpa heimbashu Abraham mbai meẽreishu verã.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 3:7

Hãrã pikuaapo ãñeteite Abraham tay reta hai jyrojavare.

Galatas 4:1

Pota haipeva rãnga kova: Opaite maĩnunga ijarã ndeiteri'irã, hentape jokuearea rãĩmi'i jyve, ajema opaite maĩnunga ijarã ẽẽ jyve hoo'ipe.

Galatas 4:7

Kyrã jyve pee, haimape Tũpa tayre haiveamape jokuearea. Tũpa tayperã, Tũpa meẽpope opa mbai ĩñee meẽ vekua tay retape.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Galatas 6:16

Pyreko pya symyĩ hareka jyparekokue opaite ikova ko ñee heiva rãĩmi, opaite tenta Israel hãndi Tũpa ryhevare.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 11:18

Ajema Tũpa heishu: “Rĩmoña hãndiare oupokui Isaak rupii”.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.