Galatas 3:17 - NandevaBiblia

¹⁷ Aipota haiva rãnga hai kova: Tũpa, aryka'eite, japoshu Abraham ñee me'ẽãva, hãrã my'ãñetemba. Hãme rãnga Moisés mbypara vekua, ou vekua 430 ãñoma hasarã, katuãpo myporãã hoka ñee me'ẽãva hareka hejããpo mbaimbava rãĩmi Tũpa ĩñee.

Galatas 3:17 Iomraidhean Croise

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Hechos 7:6

Tũpa heimbajyshu: Rĩmoña hãndiare tenta mbyryva ikova rãĩmi iko jyrekui, jokuehareiire verã, hareka 400 ãño kavipo jyvarehahe retakui.

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

Romano 3:3

Ĩme'ẽ Judiovare Tũpa ĩñee rojambarã, hãmera haire rojaarã, Tũpa japoãpo jyve hai ĩñee meẽ vekua?

1 Corintios 1:12

Kova rãnga hai, aipota hai peeva: Ĩme'ẽ heiva pymbytepe “She hai Pablo ryheva”; ĩrũre hei: “She hai Apolo ryheva”; ynga hei: “She hai Pedro ryheva”; yngare heijy: “She hai Cristo ryheva”.

1 Corintios 1:17

Shara Cristo shymondoã apyrỹmyngarai verã, koñeĩ Ñee kaviva ambeu verãĩ, ha'ẽã ñy'ãranduvare rãĩmi aikatu aijetarã, potãã Cristo kurusure manorã vekua pytareii mbaimbava rãĩmirã rãnga.

1 Corintios 10:19

Ha'ẽã rãnga mbai vasuva ta'ãnga, maĩrã soo ta'ãngape me'ẽãva haikaviveva ynga soo retaivi.

1 Corintios 7:29

Shyryvyre, aipota hai peeva rãnga hai kova: Mbovy araĩma hemby'ẽ ñande. Hãme rãnga omendavare tiko omendambava rãĩmi;

2 Corintios 1:20

Shara opaite Tũpa ĩñee meẽva hai “ẽẽ” rupii. Hãrã ñamombaishurã ja'e “Amén” Tũpa hĩmbipekue pevarã.

2 Corintios 9:6

Pynymanduahe kova: Hetambaa ma'ẽtyva, hetããpo mynoo. Heta ma'ẽtyva, hetapo mynoo.

Galatas 3:15

Shyryvyre, apyrỹmymandu'akapohe kuei jehu ñandeva: Pente kuimbai ynga japo hãndi ñee me'ẽãvarã, ñonohẽ hee kuatiaperã, mbaveãmapo mbaiva ñono jypy, japoa verãĩma'ẽ.

Galatas 3:21

Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.

Galatas 5:16

Hãme rãnga hai pee: Piko Espiritu Santo potava rãĩmi, hareka avy pijapo pyndyroo potava.

Galatas 5:4

Ĩme'ẽ peeva pota ijoheva Tũpa hỹnonde japo'i Moisés mbypara vekuarã, hoka kuareta syrymashi Jesucristo hareka mbijiche Tũpa jyhaihukue.

Efesios 2:12

Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Colosenses 2:4

Kova hai pee potãã mbava pynymbytavypy ñee mashyã'ovarã, tẽvã mba'ety vekua.

Hebreos 11:13

Opaite hokava kuaretare jyrojakue rupii ikovare opa mano hipitymbava Tũpa mbeu vekua, katynga mbyryivi hesha reta hareka kuamondo reta haire ouiva ko yvy'ĩãrẽ mbyryivi ouva rãĩmi.

Hebreos 7:18

Hãme rãnga japoa verã arykaiva mby'opaha, shara ikangyrã hareka mbaivapeã iko.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.