Galatas 3:16 - NandevaBiblia

¹⁶ Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Galatas 3:16 Iomraidhean Croise

Mateo 1:1

Kova hai tyree arykaivare Jesucristo ndei ourã vekua, hai David hareka Abraham ñymoñashiare.

Lucas 1:55

Hai ñee meẽvã rãĩmi ñanytynondeva retape Abrahampe hareka ñymoña hãndi verãre opa ara.

Hechos 3:25

Pee pevarã rãnga ko ñee Tũpa ĩñee mbeu'iare rupii Tũpa meẽva, hareka pee pevarãĩjy ñee me'ẽãva Tũpa japo vekua pynytynondevare hãndi. Shara Tũpa heimbashu Abraham: “Ndyrayre rupiipo she ahovasa opaite tenta yvy'ĩãrẽ'iare”.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

Romano 4:13

Shara ñee me'ẽãshuva Abraham hareka opaite ñymoñashiare opa pytashu verãre yvyjerekue ha'ẽã, japoã Moisés mbypara vekuape'õrã, shara Tũpa heimahe heko kaviva jyrojakue rupii.

Romano 4:16

Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.

Romano 9:4

Hai reta rãnga Israelita, Tũpa pyhỹrõshu reta ta'yrã, Tũpa ẽẽmba hãndi reta heko hĩmbipe vekua ryheve, hareka japo ñee me'ẽãva, meẽshu reta Moisés mbypara vekua, haikavi õmombaivasu verãre hareka ĩñee meẽ.

1 Corintios 12:12

Shara Cristo jytũpao ova kuareta hete. Reko opaĩ marãrãngatuva hai ryhevare, tẽvã pente tyreteĩ.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Galatas 3:19

Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Galatas 3:8

Kuatia mbyparaha vekuapy hei, haimba Judiore mbytepe'ẽpo jyve heko kaviva jyrojakue rupii. Hãma Tũpa, arykai, myvãhẽshu ko Ñee kavi Abrahampe: Opaite tenta vasure nde rupiipo mbai haikaviva hipitykui.

Efesios 5:32

Mbai vasu tivishava ko kuaambava heiha ñande; hãrã shee hai pee tũpaore hareka Cristo.

Colosenses 2:19

Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.