Galatas 3:14 - NandevaBiblia

¹⁴ Hokava jehu, mbaikavi Tũpa ĩñee meẽshuva Abraham hipity verã reta jyve haimba Judiovare, Jesucristo rupii. Kyrã jairoja rupii opaiteva me'ẽã ñande verã Espiritu Tũpa hei vekua meẽ verã.

Galatas 3:14 Iomraidhean Croise

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Efesios 2:22

Hãrã pee Cristo rupii hai jyvepe tũpao ryheva, Tũpa ikovape Espiritu rupii.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,