Galatas 2:9 - NandevaBiblia

⁹ Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Galatas 2:9 Iomraidhean Croise

Mateo 16:18

Hãrã haijyve, nde hai Pedro. Ko ita ĩãrẽpo amupũã shyrehe jyrojavare, hareka ñymano katuãpo jepyãpohe.

Lucas 22:8

Hãrã Jesús mondo Pedro hareka Juan, heishureta: Pekua, opa pymyhẽvã ñande Pascuape jau verã.

Juan 1:42

Haivi Andres raha Simón Jesús ẽvãpe. Jesús maĩherã heishu: Nde hai Simón, Jonas tay, tẽvã ã'ẽ nymbyheapo Cefas, he'iseva ita (Pedro).

Hechos 12:17

Tẽvã Pedro ipopei myha'ãnga heishu reta jasaka verãre, haivi mbeushu reta marãra Ñandeja nohẽjy mbyperesoavaivi, hãrã heishu reta: Pikuaaka jyveshu Jacobo hareka opaite ñandyryvy ñandyryhevare. Hãrã õhẽ hareka oho ynga tentaipi.

Hechos 15:13

Opama chirĩrĩ retarã, Jacobo hei jyveshu reta: Shyryvyre shyrẽndupi:

Hechos 15:7

Hetama ijeta pohy ijupe retarã, Pedro ñymbourã heishu reta: Shyryvyre, pee pikuaa Tũpa jypyivivãĩmba pynymbyteivi shypyhyrõ ambeu verã Ñee kaviva, jyrojambare hendu verã hareka roja verã.

Hechos 4:36

Kyrã haire mbytepe ẽjyve mbory'ẽshua paire tũpaope, José he'iashuva, Apostolre mbyheembajypy reta Bernabé, he'iseva “mbypya kaviva hapishare”, hokava hai Chiprepe'õ;

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 15:15

Katynga, aijehumbape ambyparape a'ãmo maĩnunga potãã pyndysareherã. Tũpa pya kavikue rupii ajapo jyve,

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 8:4

Jurure'asy ore potanda hejahashu reta mbory verãre yngava ñandyryvy Jesucristo jyrojahea retarã.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Galatas 1:18

Mbahapy ãñomajyrã aha Jerusalenpe, ahesha verã Pedro hareka haipe apyta hãndi 15 ara,

Galatas 2:1

Hasama 14 ãñorã ahajy hykuaĩ Jerusalenpe Bernabé hãndi, araha jyve shendie Tito.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

1 Timoteo 3:15

kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.